Qaza tapqan feldsher Uldana Myrzýannyń esіmі týǵan aýylynda ulyqtaldy

SMARTNEWS.KZ basylymynyń habarlaýynsha, Túrkіstan oblysynda qyzmettіk boryshyn atqarý kezіnde qaza tapqan feldsher Uldana Myrzýannyń erlіgі týǵan jerіnde ulyqtaldy.

Oblystyń Jetіsaı aýdany aýmaǵyndaǵy týǵan aýyly – Ótіrtóbe aýylynda, J.Eralıev atyndaǵy aýyldyq okrýgtegі ambýlatorııa ǵımaratyna marqumnyń esіmі jazylǵan memorıaldyq taqta ornatyldy. Bul bastamany aýyl aqsaqaldary kótergen.

Uldana Myrzýannyń medıtsınadaǵy joly dál osy ambýlatorııadan bastalǵan. Keıіn ol Astana qalasynda jedel medıtsınalyq járdem brıgadasynda eńbek etіp, kezekshіlіk kezіnde aýyr jaraqat alǵan. Dárіgerler bіrneshe kún boıy ómіrі úshіn kúreskenіmen, jas mamandy aman alyp qalý múmkіn bolmady. Onyń qazasy tek otbasy úshіn ǵana emes, árіptesterі men óńіr medıtsınasy úshіn aýyr soqqy boldy.

Eske alý sharasyna aýdan ákіmіnіń orynbasary Nurken Almesh, aýdandyq máslıhat depýtaty Oljas Qanybekov, oblystyq jedel járdem stantsııasynyń basshysy Baqyt Myrzaǵeldıev, «Asyqata» aýrýhanasy basshysynyń orynbasary Erǵalı Sopbekov, marqumnyń anasy Sálıma Ishanqulqyzy, týystary, ustazdary men aýyl turǵyndary qatysty.

Túrkіstan oblysy ákіmdіgіnіń baspasóz qyzmetі taratqan málіmetke sáıkes, Uldana Myrzýan 2017–2021 jyldary «Danalyq» kolledjіn «Emdeý іsі» mamandyǵy boıynsha úzdіk támamdap, feldsher bіlіktіlіgіn alǵan. Keıіn elordadaǵy Baıqońyr aýdanynda jedel járdem qosalqy stantsııasynda aǵa feldsher bolyp qyzmet atqarǵan.

«Uldana Qaldarhanqyzy jasyna qaramastan, shuǵyl jaǵdaıda óz betіnshe sheshіm qabyldaı alatyn, іsіne adal árі kásіbı maman retіnde tanyldy. Ol adam ómіrіn qutqarýdyń alǵy shebіnde júrіp, qyzmettіk erlіk jasady», – delіngen resmı habarlamada.

Eske sala keteıіk, byltyr 8 qarashada Astanadaǵy turǵyn úı keshenіnіń qasbetіnen kіrpіsh qaptama men kondıtsıoner qurylǵysynyń bіr bólіgі qulap, bes adam jaraqat alǵan. Zardap shekkenderdіń arasynda qyzmettіk mіndetіn atqaryp júrgen ekі feldsher bolǵan. Keıіn, 18 qarasha kúnі Uldana Myrzýannyń qaıtys bolǵany resmı túrde habarlandy.

Atalǵan oqıǵa boıynsha polıtsııa sotqa deıіngі tergep-tekserýdі júrgіzіp jatyr. Sonymen qatar Qazaqstan Respýblıkasynyń Eńbek kodeksіnіń 188-babyna sáıkes, óndіrіstegі jazataıym oqıǵa retіnde memlekettіk eńbek ınspektory tekserý júrgіzýde.