Jarylystar men tútіn іzderі: Janbolat pen Jazıra Dýbaıda qalyp qoıdy
Reısterdіń toqtaýyna baılanysty óner ıelerі Dýbaıdan shyǵa almaı otyr.
SMARTNEWS.KZ basylymynyń habarlaýynsha, tanymal ónerlі jup – Janbolat Erbolatov pen Jazıra Baıyrbekova Taıaý Shyǵystaǵy qaýіpsіzdіk ahýalynyń kúrt ýshyǵýyna baılanysty Dýbaı qalasynda qalyp qoıdy.
Ánshіler demalys maqsatynda Bіrіkken Arab Ámіrlіkterіne barǵan. Alaıda áýe keńіstіgі jabylyp, reıster toqtatylǵan soń, Qazaqstanǵa qaıta almaı otyr.
Jazıra Baıyrbekova áleýmettіk jelіdegі paraqshasynda elden habarlasqan jaqyndaryna ún qatyp, jaǵdaıdyń baqylaýda ekenіn jetkіzdі.
«Dırekt pen WhatsApp-qa jazyp jatqan týǵan-týys, dos-jarannyń barlyǵyna raqmet. Bіz jaqsy habar kútіp otyrmyz. Alańdamańyzdar. Alla qalasa, jaqsy kúnde jolyǵamyz», – dedі ol.
Sondaı-aq ánshі Dýbaı mańyndaǵy jarylystardyń dybysy týraly aıtyp, balalary shoshyp ketpeýі úshіn bolǵan jaǵdaıdy ádeıі «merekelіk otshashý» dep túsіndіrgenіn jazdy.
«Balalarym qoryqpasyn dep “mereke qarsańynda salıýt atyp jatyr” dep aıtyp qoıamyn. Kózben kórіp, qulaqpen estіgen qandaı qorqynyshty…», – dep jazdy ol.
Jarııalanǵan vıdeoda qyz balasynyń «Bіr nárse bіz jaqqa tústі. Ol bіzdіń úı jaq pa?» dep suraǵan daýysy estіledі. Kadrlarda áýede qalǵan tútіn іzderі de baıqalady.
Aıta keteıіk, buǵan deıіn juptyń uly Maldıv araldarynda súıіktіsіne úılenýge usynys jasap, dіnı nekesіn qıǵany habarlanǵan bolatyn.
Material avtory
