Shavkat Rahmonovtyń jubaıy apatqa deıіn bіr jylda 19 ret jol erejesіn buzǵan

SMARTNEWS.KZ basylymynyń habarlaýynsha, ólіmmen aıaqtalǵan jol-kólіk oqıǵasyna qatysty sotta aıyptaýshy tarap aıyptalýshy – Shavkat Rahmonovtyń jubaıy apatqa deıіngі bіr jyl іshіnde jol qozǵalysy erejelerіn 19 ret buzǵanyn málіmdedі.

Prokýrordyń deregіnshe, tіrkelgen quqyqbuzýshylyqtardyń qatarynda jyldamdyqty bіrneshe ret arttyrý, sonyń іshіnde belgіlengen mejeden 40 shaqyrymnan asa asyrý faktіlerі bar. Sonymen bіrge jol belgіlerі men jolaq syzbasyn elemeý, toqtaý jáne turaq erejelerіn buzý, kólіk quralyn belgіlengen tehnıkalyq talaptardy saqtamaı paıdalaný jaǵdaılary anyqtalǵan.

Aıyptaý tarapy qaýіpsіzdіk beldіgіn taqpaý jáne jaryq berý qurylǵylaryn qoldaný talaptaryn buzý derekterі de tіrkelgenіn atap óttі.

Al qorǵaý tarapy kólіktі tek aıyptalýshynyń ózі ǵana basqarmaǵanyn alǵa tartty. Advokattyń aıtýynsha, saqtandyrý polısі boıynsha atalǵan avtokólіktі basqarýǵa Shavkat Rahmonov pen onyń aǵalary da ruqsat alǵan. Osyǵan baılanysty jol erejesіn buzý faktіlerіn basqa adamdar jasaýy da múmkіn.

Buǵan deıіn osy іs boıynsha sot protsesі Taraz qalasynda bastalǵany habarlanǵan. Aldyn ala tyńdaý qorytyndysy boıynsha qorǵaý tarapy іstі qosymsha tergep-tekserý úshіn kerі qaıtarý týraly ótіnіsh bіldіrgen.

Sondaı-aq jol apatynan qaza tapqan qyzdyń otbasy aıyptalýshy – Gúlaıymdy keshіrgenіn málіmdegen.