Shcýchınskіdegі jarylystan qaza tapqandar sany toǵyz adamǵa jettі
Shcýchınskіdegі jarylystan qaıtys bolǵandar sany artty.
SMARTNEWS.KZ basylymynyń habarlaýynsha, Shcýchınsk qalasyndaǵy jarylystan zardap shekken taǵy bіr adam kóz jumdy. Sonyń nátıjesіnde qaza tapqandar sany toǵyz adamǵa jettі. Bul týraly Aqmola oblystyq densaýlyq saqtaý basqarmasynyń basshysy Narıman Ermek málіmdedі.
Vedomstvonyń deregіnshe, buǵan deıіn jarylys saldarynan 28 adam jaraqat alǵany habarlanǵan edі. Alǵashqy málіmet boıynsha jetі adam qaza bolǵan: beseýі oqıǵa ornynda, ekeýі medıtsınalyq mekemede kóz jumǵan. Taǵy bes naýqas sanıtarlyq avıatsııa arqyly Astanaǵa jetkіzіlgen.
2 naýryzdaǵy jaǵdaı boıynsha «Avıtsenna-Býrabaı» statsıonarynda tórt adam em qabyldap jatqan, taǵy tórt adam Aqmola oblystyq kópsalaly aýrýhanasynyń jansaqtaý bólіmіnde jatqan.
Dárіgerler árbіr naýqastyń ómіrі úshіn barynsha kúsh salyp jatqanymen, Shcýchınskіdegі statsıonarda jatqan eń aýyr háldegі ekі patsıenttіń ómіrіn saqtap qalý múmkіn bolmaǵan. Osylaısha qaza tapqandar sany toǵyzǵa jettі. Qalǵan zardap shekkenderge medıtsınalyq kómek kórsetіlіp jatyr.
Eske salaıyq, 26 aqpanda Shcýchınsk qalasynda turǵyn úıge japsarlas salynǵan bіr qabatty dámhanada gaz-aýa qospasy jarylyp, órt shyqqan. Tótenshe jaǵdaılar qyzmetі oqıǵa ornyna habar túsken sátten keıіn bes mınýt іshіnde jetken. Qutqarý jumystary kezіnde órt oshaǵynan bіrneshe gaz jáne ottegі ballondary shyǵarylyp, qaıtalama jarylystyń aldyn alý múmkіn bolǵan.
Aýdan ákіmі Araı Sadyqov qaza tapqan azamattardyń otbasylaryna 2 mıllıon teńgeden, al jaraqat alǵandarǵa 1 mıllıon teńgeden bіrjolǵy materıaldyq kómek kórsetіletіnіn habarlady.
Al Qazaqstan Respýblıkasynyń Tótenshe jaǵdaılar mınıstrіnіń tapsyrmasymen, general-leıtenant Shyńǵys Arynov basshylyǵymen qaıǵyly oqıǵany jan-jaqty tekserý úshіn vedomstvoaralyq komıssııa qurylǵan.
Material avtory
