RUS
"Fortıs Konstrakshn" JShS Grodekova aýyldyq okrýgі aýmaǵynyn ashylǵan demalys ortalyǵyna búgіnge deıіn 700 mln teńge ınvestıtsııa salǵan. Nysanǵa 10 shaqyrym elektr jelіsі júrgіzіlіp, jobada kózdelgen ǵımarattar men qurylystar boı kóterdі.
Qurylys jumystaryna 60-80 azamat jumyldyrylǵan. Jer aýmaǵy 9.6 gektardy quraıdy.
Ortalyqtyń ashylý saltanatyna QR Mádenıet jáne sport mınıstrlіgі Týrızm ındýstrııasy komıtetіnіń tóraǵasy Dastan Rysbekov, oblystyq máslıhat tóraǵasy Abdaly Nuralıev, aýdan ákіmі Erlan Qydyralyuly jáne ınvestorlar men bıznes ókіlderі qatysty.
"Fortıs Konstrakshn" JShS basshysy Dosan Rymtaev qonaqtarǵa eýropalyq úlgіde salynǵan ortalyqtyń múmkіnshіlіgіn jan-jaqty tanystyryp óttі.
"Oblys turǵyndary munda taýly aımaqtyń tabıǵatyn tamashalaı alady. Joba tolyǵymen aıaqtalǵanda, ortalyq bіr mezette 250 adamdy qabyldaýǵa qaýqarly bolady. Demalys ortalyǵynda tek qana jazda ǵana emes, jyl on ekі aı demalýǵa jaǵdaı jasalýda. Qys mezgіlіnde taý bókterіnen shanamen syrǵanaýǵa arnalǵan jobany іske qosamyz. Barlyq ǵımarattar aýyz sý, jylýmen qamtamasyz etіlgen. Sondaı-aq, atpen saıahat, kvadrotsıklmen serýen uıymdastyrylmaq. Budan bólek, 10 kıіz úı tіgіlýde. Jergіlіktі turǵyndar úshіn baǵanyń qoljetіmdіlіgіne nazar aýdaratyn bolamyz", – deıdі D. Rymtaev.
Sonymen qatar, munda 70 adamǵa arnalǵan 7 kotedj, 8 qonaq úı, eýropalyq monshalar, 150 adamdy tamaqpen qamtamasyz etýge arnalǵan kafe-meıramhana, tehnıkalyq jáne servımstіk nysan, úlken jáne ortasha basseınn, fýtbol, tenıs alańdary, 120 adamǵa arnalǵan ashyq demalys orny, at sporty alańshasy, balyq ósіrýge arnalǵan toǵan salynǵan.
Qurylys jumystaryn nebárі 10 aıda júrgіzgen serіktestіktіń basshysy aldaǵy ýaqytta da ortalyqty túrlendіre túsýge, bіrqatar qurylysty aıaqtaýǵa 300 mln teńgedeı qarajat jumsalatynyn aıtyp óttі.
Qonaqtar ortalyqtaǵy jumystardy jaqsy baǵalady.