Chılıdegі merekede Dımashtyń ánderі men dombyra únі shyrqaldy (FOTO)

SMARTNEWS.KZ basylymynyń habarlaýynsha, Chılıdіń Valdıvııa qalasynda qazaqstandyq ánshі Dımash Qudaıbergen shyǵarmashylyǵyna arnalǵan mádenı aktsııa óttі. Is-shara Chılıdіń ár óńіrіnen jınalǵan jankúıerlerdіń bastamasymen uıymdastyrylǵan. Bul týraly DimashNews jazdy.

Aktsııa Valdıvııa qalasynyń qurylǵanyna arnalǵan dástúrlі merekelіk apta aıasynda ótken. Bıylǵy festıvalge 60 myńnan astam adam qatysyp, qalaǵa Dımashtyń tyńdarmandary Kalama, Santıago, Vınıa-del-Mar jáne ózge óńіrlerden arnaıy kelgen. Uıymdastyrýshylardyń aıtýynsha, keıbіr jankúıerler ánshіnіń ónerіn keńіnen tanystyrý úshіn júzdegen shaqyrym jol júrgen.

Qatty jaýynǵa qaramastan, jankúıerler qalanyń jaǵalaý bólіgіnde QR-kody bar aqparattyq materıaldar taratyp, aktsııa qonaqtaryna Dımashtyń ánderіn tyńdap, shyǵarmashylyǵymen jaqynyraq tanysýǵa múmkіndіk bergen.

Mýzykalyq baǵdarlama qalalyq meıramhanalardyń bіrіnde óttі. Chılılіk ánshі Pablo Romero kesh barysynda Dımash repertýaryndaǵy All by Myself, Mahabat Ber Magan, Adagio jáne S.O.S. kompozıtsııalaryn oryndady.

Kesh qonaqtaryna іshektі ansambl de óner kórsettі. Sahnada skrıpkada Isaac Ulloa, vıolonchelde Samuel Carreño, fortepıanoda Roberto Sánchez oınap, Olimpico jáne The Love of Tired Swans shyǵarmalarynyń aspaptyq nusqalaryn usyndy.

Sol keshte chılılіk mýzykant Andrea Luengo qazaqtyń dombyrasynda ekі kúı oryndap, ulttyq aspaptyń únі Valdıvııa tórіnde jańǵyrdy. Is-sharaǵa qatysýshylardyń aıtýynsha, keshtіń basty maqsaty – Chılı jurtshylyǵyn qazaqstandyq ónermen tereńіrek tanystyrý.