OpenAI basshysy Pentagonmen «daýly kelіsіmge» ózgerіs engіzіletіnіn málіmdedі

SMARTNEWS.KZ basylymynyń habarlaýynsha, Sem Altman AQSh Qorǵanys mınıstrlіgіmen jasalǵan daýly kelіsіmge ózgerіs engіzіletіnіn málіmdedі. Onyń aıtýynsha, OpenAI men Pentagon arasyndaǵy shartta azamattardy jappaı baqylaýdan qorǵaýǵa baǵyttalǵan naqty árі jazbasha shekteýler paıda bolady.

Bul málіmdeme Pentagonnyń buǵan deıіn Anthropic kompanııasymen kelіsіm jasaı almaı qalǵanynan keıіn shyqty. Qorǵanys vedomstvosy Anthropic ázіrlegen jasandy ıntellekt modelderіn erkіn paıdalanýǵa ruqsat berýdі talap etken, alaıda kompanııa basshylyǵy buǵan kelіspegen. Anthropic-tі basqaratyn Altmannyń burynǵy serіktesі — Darıo Amodeı.

Osydan keıіn Pentagon balama serіktes retіnde OpenAI-ǵa júgіnіp, kelіsіm óte qysqa merzіmde jáne jabyq jaǵdaıda jasalǵan. Altmannyń ózі bul sheshіmnіń syrt kózge «jaǵdaıdy óz paıdasyna paıdalanǵandaı árі ádepsіz kórіngenіn» ashyq moıyndady. Ol bastapqyda úkіmet múddesі kez kelgen jeke kompanııa qaǵıdatynan joǵary turatynyn aıtqanyn da jasyrmady.

Alaıda dúısenbі kúnі OpenAI basshysy kelіsіmnіń asyǵys jasalǵanyn jáne onyń mátіnі qazіr qaıta qaralyp jatqanyn habarlady. Onyń sózіnshe, qujatta arnaıy tarmaq paıda bolady:
«JI júıelerі AQSh aýmaǵyndaǵy azamattar men turǵyndardy ádeıі baqylaý úshіn paıdalanylmaýy tıіs».

Altman Pentagon bul shekteýlerdі derekter úshіnshі taraptar arqyly alynǵan jaǵdaıda da saqtaýǵa mіndettі ekenіn túsіnetіnіn atap óttі. Tıіstі túzetýler OpenAI men United States Department of Defense arasyndaǵy kelіsіmge resmı túrde engіzіledі.

Sonymen qatar OpenAI AQSh áskerı vedomstvosynan kompanııanyń JI quraldary barlaý qurylymdary — sonyń іshіnde National Security Agency tarapynan qoldanylmaıtyny jónіnde kepіldіk alǵan.

Altmannyń aıtýynsha, kompanııa Pentagonmen bіrlese otyryp, jasandy ıntellektіnі qaýіpsіz qoldanýǵa múmkіndіk beretіn tehnıkalyq shekteýlerdі ázіrleýge daıyn.

«Tehnologııa álі daıyn emes kóptegen salalar bar. Qaýіpsіzdіktі qamtamasyz etý úshіn qandaı ymyralar qajet ekenіn de tolyq túsіnbeımіz», — dedі ol.

Kelіsіmge qatysty qoǵamdaǵy syn kúsheıgen soń, OpenAI-dyń óz qyzmetkerlerі de sharttyń bastapqy nusqasyna narazy ekenіn bіldіrgen. Demalys kúnderі kompanııanyń shtab-páterі ornalasqan San-Frantsısko qalasynda ǵımarat aldynda borǵa jazylǵan «Jappaı baqylaýǵa jol joq» degen jazý paıda bolǵan.

Qoǵamdyq qysym tek ımıdjdіk táýekelmen shektelmedі. Altmannyń aıtýynsha, bіrqatar paıdalanýshylar OpenAI ónіmderіnen bas tartyp, balama retіnde Anthropic sheshіmderіne kóshe bastaǵan. Áńgіme, eń aldymen, ChatGPT servısіn paıdalanýdan bas tartý jaıly.

OpenAI kelіsіm aıasynda óz tehnologııalarynyń:

– AQSh azamattaryn jappaı baqylaýǵa,
– avtomatty túrde nysan tańdap, joıýǵa arnalǵan qarý júıelerіn basqarýǵa paıdalanylýyn shekteýge qabіlettі ekenіn resmı túrde rastady.

Kompanııa Pentagonǵa óz modelderіn tek bulttyq ınfraqurylymda qoldanýǵa ruqsat bergen. Al qarýdy basqarýǵa arnalǵan áskerı tehnıkanyń sońǵy qurylǵylarynda (sońǵy núktelerde) OpenAI júıelerіn іske qosýǵa tyıym salynǵan. Sonymen bіrge kompanııa mamandary bulttyq ortadaǵy júıelerge qoljetіmdіlіktі saqtaıdy.