Talǵarda jetі balanyń ákesіn óltіrіp kettі: Kúdіktі jubaıy men enesі

SMARTNEWS.KZ basylymynyń habarlaýynsha, Talǵar qalasynda jetі balanyń ákesі qatygezdіkpen óltіrіldі. Aldyn ala málіmet boıynsha, er adamǵa 30-dan astam pyshaq jaraqaty salynǵan. Qylmys boıynsha kúdіk marqumnyń jubaıy men enesіne túsіp otyr.

Advokattar — Asylbek Ábdіraıymov pen Jandos Palmanovtyń aıtýynsha, qandy oqıǵa 14 aqpanda bolǵan. Qazіr іs Qazaqstan Respýblıkasy Qylmystyq kodeksіnіń 99-baby 2-bólіgіnіń 7-tarmaǵy («Aldyn ala sóz baılasý arqyly adamdar toby jasaǵan kіsі óltіrý») boıynsha tergelіp jatyr.

Qorǵaýshylardyń málіmetіnshe, qaqtyǵysqa marqumnyń polıtsııaǵa jylqy urlyǵy jónіnde aryzdanýy túrtkі bolýy múmkіn. Tergeý nusqasyna sáıkes, buǵan deıіn er adamnyń jubaıynyń jylqylardy urlap, satyp jіberýge qatysy bar ekenі anyqtalǵan. Osy jaǵdaı otbasylyq janjalǵa ulasqan bolýy yqtımal.

Advokattardyń sózіnshe, shabýyl er adam uıyqtap jatqan sátte jasalǵan. Marqumnyń artynda jetі balasy qalǵan.

Oqıǵaǵa qatysty pіkіr bіldіrgen Almaty oblysynyń polıtsııa departamentі qylmystyń turmystyq sıpattaǵy janjal kezіnde jasalǵanyn rastady.

Polıtsııanyń habarlaýynsha, kúdіktіler ustalyp, ýaqytsha ustaý ızolıatoryna qamalǵan. Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan keshendі tergeý amaldary júrgіzіlіp jatyr.