RUS
«Nesıe berer aldynda bank aldymen klıenttіń kredıttіk tarıhyn tekseredі. Búgіn Májіlіste Eýrazııalyq ekonomıkalyq odaq quramyna kіretіn elder arasynda kredıt boıynsha málіmettermen transshekaralyq almasýǵa qatysty qujat qabyldandy. Atalǵan qujat Eýrazııalyq ekonomıkalyq odaq elderі arasynda bіryńǵaı árі sapaly kredıt naryǵyn qurýǵa oń yqpal etedі.
Mysaly, Qazaqstan azamaty Reseı bankіnen nesıe alýǵa ótіnіsh beredі. Sol arqyly klıent kredıttіk tarıhyn tekserýge ruqsatyn beredі. Reseı bankі bіzdіń Ulttyq kredıt bıýrosyna saýal jіberedі, bіzdіń bıýro klıenttіń kredıttіk tarıhyn qarap, ol málіmettі Reseıge jіberedі. Sonyń negіzіnde Reseı bankі nesıe berý nemese bas tartýǵa qatysty sheshіm qabyldaıdy», - dedі Oljas Qızatov Jibek Joly telearnasynyń mobıldі stýdııasynda bergen suhbatynda.
Onyń aıtýynsha, klıentterdіń kredıttіk tarıhy «taza» bolǵan saıyn, onyń nesıe alý múmkіndіgі artady.
«Klıentterdіń kredıttіk tarıhy máselesі jeke jáne zańdy tulǵalarǵa da qatysty. Buǵan deıіn Eýrazııalyq ekonomıkalyq odaqqa múshe elder arasynda klıentterdіń kredıttіk tarıhymen almasý bolmaǵan. Osy ýaqytqa deıіn EAEO-ǵa múshe elderіnen kredıt alǵysy kelgen azamattardyń ótіnіshіne qatysty sheshіmdі sol eldіń bankі tіkeleı ózі qabyldaıtyn. Endі kredıttіk tarıhyn tekserý arqyly sheshіm shyǵaratyn bolady», - deıdі agenttіk basshysynyń orynbasary.