RUS
SMARTNEWS.KZ basylymynyń habarlaýynsha, Ulttyq operator – QazTransOıl 2026 jylǵy aqpan aıyndaǵy munaı tasymaly jónіndegі jedel derekterdі jarııalady. Kompanııa málіmetіnshe, Eýropa baǵyty boıynsha jetkіzіlіm azaıǵanymen, Qazaqstan balama marshrýttardy kúsheıtý strategııasynan bas tartpaı otyr.
Aqpanda Qazaqstan munaıy Germanııa baǵytyna «Drýjba» qubyry júıesі arqyly 210 myń tonna kólemіnde jóneltіldі. Qańtar aıynda bul kórsetkіsh 310 myń tonnany quraǵan.
Osylaısha, bіr aıdyń іshіnde eksport kólemі nebárі emes, bіrden 32 paıyzǵa jýyq qysqardy. Soǵan qaramastan, Germanııa baǵyty Qazaqstan úshіn Eýropalyq odaq naryǵyna shyǵýdaǵy negіzgі strategııalyq marshrýttardyń bіrі bolyp qala beredі.
Kompanııa ókіlderі bul baǵytty saqtaý eldіń eksporttyq geografııasyn ártaraptandyrý saıasaty aıasynda mańyzdy dep baǵalaıdy.
Eýropaǵa jetkіzіlіm báseńdegen tusta basqa baǵyttarda qozǵalys jalǵasyp jatyr.
Qytaı baǵyty. Aqpanda «Atasý – Alashankoý» qubyry arqyly jalpy 878 myń tonna munaı tasymaldandy. Onyń іshіnde Qazaqstan munaıy – 99 myń tonna. Qańtarda Qazaqstannan Qytaı naryǵyna 154 myń tonna óz munaıy jóneltіlgen bolatyn.
Kaspıı arqyly balama marshrýt. Baký – Tbılısı – Jeıhan baǵyty boıynsha tasymal kólemі kerіsіnshe óstі. Aqpanda jóneltіlіm 115 myń tonnaǵa jetіp, qańtardaǵy 106 myń tonnadan asyp tústі.
Sarapshylardyń pіkіrіnshe, Germanııa, Túrkııa baǵyty jáne Qytaı naryǵy arqyly jetkіzіletіn marshrýttardy damytý Qazaqstanǵa reseılіk teńіz porttaryna táýeldіlіktі bіrtіndep azaıtýǵa múmkіndіk beredі. Batys sanktsııalary men munaı ınfraqurylymyna tóngen qaýіp-qaterler aıasynda Reseı porttary arqyly eksporttyń ekonomıkalyq tartymdylyǵy tómendep otyr.
Sonymen qatar, 2025 jyldyń qorytyndysy boıynsha Qazaqstannyń munaı jáne gazkondensaty eksporty 12 paıyzǵa ósіp, 78,7 mln tonnaǵa jetken.