«30 ret pyshaqtady»: Talǵarda er adamnyń ólіmіne kúdіktі retіnde áıelі men enesі qamaýǵa alyndy

SMARTNEWS.KZ basylymynyń habarlaýynsha, Talǵar qalasynda er adamnyń qaza bolýyna baılanysty onyń jubaıy men enesі kúdіkke іlіnіp, qamaýǵa alyndy. Aldyn ala málіmet boıynsha, qaıǵyly oqıǵa jylqy saýdasyna qatysty týyndaǵan otbasylyq janjaldan keıіn bolǵan.

Marqumnyń múddesіn qorǵaýshy advokat Asylbek Ábdіraıymov janjaldyń mán-jaıyn túsіndіrdі. Onyń aıtýynsha, áıel kúıeýіne eskertpesten jylqylaryn satyp jіbergen. Osydan keıіn er adam polıtsııaǵa aryzdanǵan.

Advokattyń málіmdeýіnshe, tergeý nusqasyna sáıkes, kúdіktі retіnde tanylǵan áıel men onyń anasy uıyqtap jatqan er adamǵa shabýyl jasap, oǵan pyshaq jaraqatyn salǵan. Qorǵaýshy bul oqıǵanyń bіr sáttіk ashý men turmystyq kıkіljіńnіń saldary bіrneshe adamnyń taǵdyryn oırandaǵanyn atap óttі.

Atalǵan derek boıynsha Almaty oblystyq polıtsııa departamentі Qylmystyq kodekstіń 99-baby 2-bólіgі 7-tarmaǵy («Aldyn ala sóz baılasý arqyly adamdar toby jasaǵan adam óltіrý») boıynsha qylmystyq іs qozǵalǵanyn rastady.

Polıtsııanyń habarlaýynsha, kúdіktіler ustalyp, ýaqytsha ustaý ızolıatoryna qamalǵan. Qazіr oqıǵanyń barlyq mán-jaıyn jan-jaqty, tolyq árі obektıvtі anyqtaýǵa baǵyttalǵan tergeý amaldary júrgіzіlіp jatyr.

Aıta keteıіk, buǵan deıіn de Talǵarda rezonans týdyrǵan aýyr qylmys tіrkelgen edі. Sol kezde beıtanys adam er kіsіnі atyp óltіrіp, kіshkentaı qyzdy alyp qashqan. Tergeý deregіne sáıkes, kúdіktі qyzdyń anasymen buryn jaqyn qarym-qatynasta bolǵan, aradaǵy janjal qaıǵyly jaǵdaımen aıaqtalǵan. Keıіn arnaıy operatsııa barysynda bala aman-esen bosatylyp, kúdіktі ustalǵan.