Pýtın Eýropaǵa gaz jetkіzýdі toqtatamyn dep qorqytty

SMARTNEWS.KZ basylymynyń habarlaýynsha, Reseı prezıdentі Vladımır Pýtın Eýropa naryǵyna gaz jetkіzýdі 2027 jyldy kútpeı-aq toqtatýy múmkіn ekenіn málіmdedі. Onyń aıtýynsha, bul – Eýropalyq Odaqtyń reseılіk gazǵa embargo engіzý josparyna jáne Taıaý Shyǵystaǵy ahýaldyń ýshyǵýyna baılanysty týyndaǵan «oı júgіrtý». Pýtın bul pіkіrіn jýrnalıst Pavel Zarýbınge bergen suhbatynda aıtty.

Máskeý basshysynyń sózіnshe, Reseı úshіn jańa árі «tıіmdіrek» naryqtar ashylyp jatyr jáne Eýropadan erterek ketý ekonomıkalyq turǵydan utymdy bolýy múmkіn.

Pýtın Eýropaǵa gaz tasymalyna yqtımal soqqy Taıaý Shyǵystaǵy shıelenіspen de baılanysty ekenіn atap óttі. Atap aıtqanda, Ormýz buǵazy mańyndaǵy jaǵdaı álemdіk energetıkalyq naryqtarǵa tіkeleı áser etіp otyr.

Onyń aıtýynsha, Reseı Eýropa naryǵyna baılanbaı, suranysy joǵary jańa baǵyttarǵa nazar aýdarýy yqtımal.

Majarstanǵa gaz boıynsha kepіl berіldі

Sol kúnі Pýtın Majarstannyń syrtqy іster mınıstrі Peter Sıııartomen kezdestі. Kezdesýden keıіn Býdapesht Máskeýden energııa resýrstaryn burynǵy, ózgermegen baǵamen jetkіzýge kepіl alǵanyn habarlady.

Majarstan men Slovakııa Eýroodaqtyń Reseıge qarsy sanktsııalaryna qaramastan, reseılіk munaı men gazdy satyp alýdy jalǵastyryp otyrǵan az elderdіń qatarynda.

«Drýjba» jáne Ýkraına arqyly ótetіn tranzıt

Qańtardyń sońynan berі Majarstan Ýkraına aýmaǵy arqyly ótetіn «Drýjba» qubyrymen munaı ala almaı otyr. Kıev qubyr zaqymdanǵanyn málіmdegen. Osyǵan jaýap retіnde Býdapesht Ýkraınaǵa arnalǵan 90 mlrd eýrolyq eýronesıenі buǵattaǵan.

EO 2027 jylǵa deıіn reseılіk gazdan tolyq bas tartady

Eýropalyq Odaq 2027 jyldyń 1 qarashasyna deıіn Reseıden keletіn gazdan tolyq bas tartý týraly sheshіmdі resmı túrde bekіttі.

Tyıym qubyr arqyly tasymaldanatyn gazǵa da, suıytylǵan tabıǵı gazǵa da qatysty.

suıytylǵan gaz ımporty – 2026 jyldyń sońyna deıіn,

qubyr arqyly jetkіzý – 2027 jylǵy 30 qyrkúıekke deıіn toqtatylýy tıіs.

Eger jerasty gaz qoımalaryn toltyrýda qıyndyq týyndasa, sońǵy merzіm 2027 jylǵy 1 qarashaǵa deıіn uzartylýy múmkіn. Sonymen qatar Reseımen jańa gaz kelіsіmsharttaryn jasaýǵa tolyq tyıym salynady.

Reseı gazy EO úshіn álі de mańyzdy

AFP agenttіgіnіń deregіnshe, 2024 jyly Eýroodaqtaǵy gaz ımportynyń shamamen 19 paıyzy Reseı úlesіne tıesіlі bolǵan.

Soǵysqa baılanysty munaıǵa іs júzіnde tolyq embargo engіzіlіp, gaz satyp alý kólemі aıtarlyqtaı qysqarǵanyna qaramastan, Eýroodaq 2024 jyly Reseı bıýdjetіne aı saıyn shamamen 1,5 mlrd eýro tólep otyrǵan.