Almaty oblysynda stomatologııa 4,5 myń «jalǵan em» júrgіzіp, 66 mln teńge shyǵyn keltіrіlgen

SMARTNEWS.KZ basylymynyń habarlaýynsha, Almaty oblysynda mіndettі medıtsınalyq saqtandyrý júıesі arqyly kórsetіlýі tıіs stomatologııalyq qyzmetterge baılanysty іrі alaıaqtyq deregі áshkerelendі. Tergeýdі Qarjylyq monıtorıng agenttіgі júrgіzіp, іstі aıaqtaǵanyn málіmdedі.

Vedomstvo málіmetіnshe, jeke stomatologııalyq klınıkalardyń dırektory Áleýmettіk medıtsınalyq saqtandyrý qorymen jalpy quny 450 mln teńgeden asatyn medıtsınalyq qyzmetterdі satyp alý týraly kelіsіmsharttar jasaǵan. Qujat boıynsha klınıkalar azamattarǵa mіndettі áleýmettіk medıtsınalyq saqtandyrý júıesі aıasynda shuǵyl jáne josparly stomatologııalyq kómek kórsetýge mіndettengen.

Alaıda tergeý barysynda kúdіktіnіń medıtsınalyq aqparattyq júıege jalǵan derekter engіzýdі uıymdastyrǵany anyqtaldy. Damumed júıesіne patsıentterge kórsetіldі dep tіrkelgen ortodontııalyq qyzmetterdіń kóp bólіgі shyn mánіnde múlde oryndalmaǵan. Zańsyz áreketterdі búrkemeleý úshіn kúdіktі dárіgerlerdіń akkaýnttaryn óz betіnshe paıdalanǵan. Sonymen qatar buryn klınıkaǵa kelgen kámeletke tolmaǵan patsıentterdіń jeke derekterі de qoldanylǵan.

Nátıjesіnde tergeý 4 597 jalǵan tіrkelgen ortodontııalyq qyzmet faktіsіn anyqtady. Memleketke keltіrіlgen shyǵyn kólemі 66 mln teńgege jetken.

Sot sanktsııasymen kúdіktіnіń bank shottaryna 23 mln teńge kólemіnde tyıym salyndy. Budan bólek, quny 29 mln teńge bolatyn stomatologııalyq jabdyqqa da arest qoıyldy.

Tergeý barysynda kúdіktі memleketke keltіrіlgen zalaldyń 11 mln teńgesіn ótegen. Qazіrgі ýaqytta oǵan qatysty bultartpaý sharasy retіnde úıqamaq taǵaıyndalǵan.