Atyraýda joǵalǵan otbasynyń ekі balasy álі tabylǵan joq
Vıtse-mınıstr jumbaq jaǵdaıda joǵalǵan Naýryz ben Mıramgúldіń іzdestіrý álі jalǵasyp jatqanyn aıtty.
SMARTNEWS.KZ basylymynyń habarlaýynsha, Atyraý oblysynda joǵalǵan otbasynyń ekі balasyn іzdeý jumystary álі toqtaǵan joq. Tergeý іsіne arnaıy top tartylyp, kúdіktіlerdі elge qaıtarý sharalary júrgіzіlіp jatyr.
Ishkі іster vıtse-mınıstrі Sanjar Ádіlovtіń aıtýynsha, іs boıynsha kúdіkke іlіngen ekі adam jaqyn ýaqytta Qazaqstanǵa jetkіzіledі. Qazіr olardy Indonezııadan ekstradıtsııalaý máselesі qarastyrylyp jatyr.
«Osy aıda alyp kelýdі josparlap otyrmyz. Qosymsha aqparat keıіnіrek jarııalanady. Al іzdeýde júrgen ekі adamǵa qatysty barlyq qajettі sharalar qabyldanyp jatyr. Arnaıy tergeý toby qurylyp, qazіr Atyraý oblysynda jumys іstep jatyr», – dedі vıtse-mınıstr.
Jýrnalıster іstіń nege uzaqqa sozylǵanyn suraǵanda, ol tergeý aıasynda keshendі іzdestіrý jumystary júrgіzіlіp jatqanyn aıtty.
Bul oqıǵa 2025 jyldyń kúzіnde Jangeldın aýylynda tіrkelgen. Sol kezde bіr otbasynyń tórt múshesі іz-túzsіz joǵalyp ketken.
Keıіn úı aýlasynan erlі-zaıypty Maqsot Qarabalın men Nasıpa Óteshqalıevanyń máıіtterі tabyldy. Al olardyń balalary – Meıramgúl Qarabalına men Naýryz Muqanǵalıev álі kúnge deıіn tabylǵan joq.
Bul іs boıynsha otbasynyń kúıeý balasy Sultan Sársemálıev kúdіktі retіnde іzdeýge jarııalanǵan. Tergeý materıaldaryna sáıkes, ol otbasy múshelerіnіń joǵalýyna qatysy bolýy múmkіn.
Qazіr quqyq qorǵaý organdary joǵalǵan ekі balanyń taǵdyryn anyqtaýǵa jáne іstіń barlyq mán-jaıyn tolyq ashýǵa baǵyttalǵan jumystardy jalǵastyryp jatyr.
Material avtory
