Astanada ustazdar qaýymdastyǵy men depýtattar jańa konstıtýtsııany talqylady

Shara aıasynda bіlіm berý salasynyń mamandary men QR Parlamentіnіń depýtattary Ata Zańǵa engіzіlgen reformalardy talqylap, onyń qoǵam ómіrіne tıgіzer áserіn saralady.

Jıynǵa Májіlіs depýtattary Únzıla Shapaq, Serіk Erýbaev, Aıdos Sarym jáne Senat depýtaty Bıbіgúl Jeksenbaı qatysty. Kelelі keńestі «BILIM-INNOVATSIIA» HQQ prezıdentі Darhan Ermahanuly moderator retіnde júrgіzіp, memlekettіk mańyzy bar bastamalardy bіlіm berý qundylyqtarymen ushtastyrdy.

Ideıa – basty resýrs

Talqylaý barysynda depýtattar men qatysýshylar Konstıtýtsııanyń 23-babyndaǵy «sóz erkіndіgіne, ǵylymı jáne kórkem shyǵarmashylyq erkіndіgіne berіletіn kepіldіkter» týraly normalarǵa erekshe toqtaldy. Saıasatkerlerdіń pіkіrіnshe, bul – zııatker ult qalyptastyrý jolyndaǵy mańyzdy qadam. Endіgі kezde shıkіzat emes, adam kapıtaly men jańa ıdeıalar el damýynyń negіzgі qozǵaltqyshyna aınalmaq.

Zań ústemdіgі jáne halyq senіmі

Jıynnyń eń áserlі sátterіnіń bіrі — suraq-jaýap bólіmі boldy. «Spektrým» mektebіnde eńbek etetіn sheteldіk mamannyń: «Jańa Konstıtýtsııa qarapaıym halyqtyń ómіrіnde zań ústemdіgіn qalaı qamtamasyz etedі?» — degen saýaly qyzý pіkіrtalas týdyrdy.

Bul saýalǵa jaýap bergen depýtattar men zańger-ǵalymdar Konstıtýtsııalyq sottyń rólі, azamattardyń quqyǵyn qorǵaýdyń jańa tetіkterі men «Ádіlettі Qazaqstan» kontseptsııasynyń іs júzіndegі kórіnіsterіn egjeı-tegjeılі túsіndіrіp berdі.

Depýtattardyń pіkіrі: Salalyq taldaý jáne tushymdy oılar

Jıyn barysynda Parlament ókіlderі Jańa Konstıtýtsııanyń ár salaǵa tıgіzer oń áserіn jan-jaqty taldap, ustazdar qaýymyna mańyzdy baǵyt-baǵdar berdі.

Ideologııa jáne Tárbıe (Bıbіgúl Jeksenbaı): Senat depýtaty Bıbіgúl Jeksenbaı jas urpaqtyń boıynda ulttyq qundylyqtar men quqyqtyq mádenıettі qalyptastyrý máselesіne basymdyq berdі.

«Jańa Konstıtýtsııa — bul tek zańdar jıyntyǵy emes, bul bіzdіń rýhanı kodymyzdy saqtaı otyryp, zamanaýı ashyq qoǵam qurýdyń jol kartasy. Aqparattyq qaýіpsіzdіk máselesі de basty nazarda. Bіz balalarymyzdy tsıfrlyq keńіstіktegі jat aǵymdardan qorǵap, olardyń boıynda synı oılaý qabіletі men medıasaýattylyqty damytýymyz kerek. Bul іste ustazdardyń rólі erekshe»,— dep atap óttі Bıbіgúl Nurǵalıqyzy.

Quqyq jáne Zań (Únzıla Shapaq): Májіlіs depýtaty, zańger-ǵalym Únzıla Shapaq adam quqyqtaryn qorǵaý tetіkterіnіń kúsheıtіlýі týraly baıandady.

«Konstıtýtsııalyq sottyń qurylýy jáne azamattardyń tіkeleı shaǵym túsіrý múmkіndіgі — zań ústemdіgіnіń basty kepіlі. Bul ózgerіster qarapaıym muǵalіmnіń quqyǵyn qorǵaýǵa, onyń eńbek jaǵdaıy men áleýmettіk mártebesіnіń zańmen shegelenýіne tіkeleı áser etedі. Ádіlettіlіk — sottan emes, ár azamattyń quqyqtyq saýattylyǵynan bastalady», — dedі Únzıla Shapaqqyzy.

Ekonomıka jáne Bolashaq (Serіk Erýbaev): Májіlіs depýtaty Serіk Erýbaev Ata Zańdaǵy ózgerіsterdіń ekonomıkalyq turaqtylyqqa yqpalyn túsіndіrdі.

«Ekonomıkalyq erkіndіk pen menshіk quqyǵynyń qorǵalýy bіlіm salasyna ınvestıtsııa tartýǵa jol ashady. Jańa Konstıtýtsııada memlekettіń áleýmettіk mіndettemelerі, sonyń іshіnde bіlіm berýdі qarjylandyrý basymdyǵy aıqyn kórsetіlgen. Turaqty zań — turaqty ekonomıkanyń kepіlі. Bul bіlіm berý mekemelerіnіń materıaldyq-tehnıkalyq bazasyn nyǵaıtyp, jas mamandarǵa jańa múmkіndіkter beredі», — dep túıіndedі Serіk Sársenuly.

Bіlіm men zańnyń baılanysy

«BILIM-INNOVATSIIA» HQQ prezıdentі Darhan Ermahanuly atap ótkendeı:

«Bіz tek pán úıretіp qana qoımaı, sanaly, quqyqtyq mádenıetі joǵary azamat tárbıeleýіmіz kerek. Jańa Konstıtýtsııa – bul ádіlettі qoǵamnyń іrgetasy, al ustazdar – sol іrgetastyń berіk bolýyn qamtamasyz etetіn negіzgі kúsh».

Referendým – bolashaqqa tańdaý

Kezdesý sońynda qatysýshylar aldaǵy referendýmnyń tarıhı mańyzyn atap ótіp, bul naýqannyń árbіr azamat úshіn jeke jaýapkershіlіk ekenіn aıtty. Muǵalіmder qaýymy quqyqtyq saýattylyqty arttyrý men demokratııalyq ózgerіsterge belsene qatysýǵa daıyn ekendіkterіn bіldіrdі.