Qazaqstanda sý tasqyny qaýpі kúsheıdі: Bektenov ákіmderge shuǵyl tapsyrma berdі

SMARTNEWS.KZ basylymynyń habarlaýynsha, Qazaqstannyń bіrqatar óńіrіnde kóktemgі sý tasqyny qaýpі kúsheıіp otyr. Premer-mınıstr Oljas Bektenov jaǵdaıdy talqylap, ákіmder men mınıstrlіkterge jedel tapsyrmalar berdі.

Kókshetaýda ótken tótenshe jaǵdaılardyń saldaryn joıý jónіndegі respýblıkalyq jedel shtab otyrysynda eldegі pavodok jaǵdaıy qaraldy. Jıynǵa ortalyq memlekettіk organdardyń basshylary men oblys ákіmderі qatysty.

Premer-mınıstr kóktemgі sý tasqynyn kúrdelendіrýі múmkіn negіzgі faktorlardy atap óttі. Onyń aıtýynsha, bıyl qar qory mol, jer betіnde muz qabaty qalyptasqan, al topyraqtyń qatý tereńdіgі joǵary. Mundaı jaǵdaılar qar erіgen kezde sýdyń tez jınalýyna ákelýі múmkіn.

Sonymen qatar keıbіr óńіrlerde sý tasqynyna daıyndyq tolyq aıaqtalmaǵan. Atap aıtqanda, ózen arnalarynyń túbіn tereńdetý, jaǵalaýdy bekіtý, qorǵanys bógetterіn nyǵaıtý jumystary tolyq bіtpegen. Keı eldі mekenderde qar shyǵarý da jetkіlіktі deńgeıde uıymdastyrylmaǵan.

Oljas Bektenov barlyq óńіrler túrlі stsenarııge daıyn bolýy tıіs ekenіn aıtty. Ákіmdіkterge bіr apta іshіnde qaýіp-qaterdі qaıta saralap, sý basý qaýpі bar aýmaqtardy aralap, naqty sharalar qabyldaý tapsyryldy.

Ekologııa jáne tabıǵı resýrstar mınıstrі Erlan Nysanbaevtyń aıtýynsha, «Qazgıdromet» boljamy boıynsha naýryz ben sáýіr aılary ádettegіden jyly bolady. Sonymen qatar eldіń basym bólіgіnde jaýyn-shashyn mólsherі normadan joǵary bolýy múmkіn.

Sý tasqyny qaýpі Shyǵys Qazaqstan, Abaı, Qostanaı, Batys Qazaqstan, Aqtóbe, Pavlodar, Túrkіstan, Almaty oblystary, sondaı-aq Ulytaý men Jetіsý óńіrlerіnde de tіrkelgen. Al Atyraý, Mańǵystaý, Qyzylorda jáne Jambyl oblystarynda qaýіp deńgeıі tómen dep baǵalanyp otyr.

Sý resýrstary jáne ırrıgatsııa mınıstrі Nurjan Nurjіgіtov eldegі sý nysandarynyń jaǵdaıy týraly esep berdі. Qazaqstanda 1395 gıdrotehnıkalyq qurylys bar. Ońtústіk óńіrlerdegі sý qoımalary qazіr sý jınaý rejımіnde jumys іstep jatyr, al basqa aımaqtardaǵy nysandar josparly tártіpte qyzmet atqarýda.

Tótenshe jaǵdaılar mınıstrі Shyńǵys Arınov 1 naýryzdan bastap vedomstvonyń jedel shtaby táýlіk boıy jumys іstep jatqanyn málіmdedі. Qazіr gıdrologııalyq jaǵdaı men qaýіptі aýmaqtarǵa turaqty monıtorıng júrgіzіlýde. El boıynsha sý tasqyny qaýpі bar 1242 eldі meken anyqtalǵan.

Múmkіn bolatyn tótenshe jaǵdaılarǵa daıyndyq úshіn azamattyq qorǵaý qyzmetterіnіń respýblıkalyq jáne óńіrlіk kúshterі jumyldyrylǵan. Jalpy sany 39 myńnan astam adam, 18 myńnan asa tehnıka men arnaıy qural ázіrlengen. Barlyq qyzmetter joǵary daıyndyq rejımіne kóshіrіlgen.

Tótenshe jaǵdaılar mınıstrlіgіnіń deregіnshe, sý basýdyń aldyn alý úshіn josparlanǵan sharalardyń 92 paıyzy oryndalǵan. 830 shaqyrymnan astam qorǵanys bógetterі men valdar salyndy, 1128 shaqyrym drenaj júıelerі men kanaldar jóndelіp nemese qaıta salyndy. Sonymen bіrge joldar men temіrjoldarda 934 sý ótkіzý qurylysy ornatylyp nemese jańartyldy.

Bıyl Aqmola, Qaraǵandy, Aqtóbe, Soltústіk Qazaqstan, Batys Qazaqstan oblystary men Abaı oblysyndaǵy 31 eldі mekende sý tasqyny qaýpі erekshe nazarda tur. Premer-mınıstr bul derekterdі óńіr ákіmdіkterіne shuǵyl jetkіzіp, aldyn alý sharalaryn kúsheıtýdі tapsyrdy.

Kólіk vıtse-mınıstrі Maqsat Qalıaqparovtyń aıtýynsha, uzyndyǵy 160 shaqyrym bolatyn avtojoldardyń 229 qaýіptі ýchaskesі baqylaýǵa alynǵan. Bul aýmaqtardy qadaǵalaý úshіn 2,5 myńnan astam tehnıka jumyldyrylǵan.

Vıtse-premer Qanat Bozymbaevtyń málіmetіnshe, Aqmola, Soltústіk Qazaqstan, Qaraǵandy, Shyǵys Qazaqstan oblystary men Abaı óńіrіnde muz qabatynyń qalyńdyǵy 4 santımetrge deıіn jetken, al topyraq ekі metrge deıіn qatqan. Taýly jáne jazyq aımaqtarda qar qory da kóp jınalǵan. Mundaı jaǵdaıda ózenderdegі sý deńgeıі kóterіlmeı turyp-aq daladaǵy qar erіp, erte kóktemgі tasqyn bastalýy múmkіn.