Túrkіstan oblysynda er adam Free Fire oıyny arqyly aqshasynan aıyryldy
Jasóspіrіmderdі aldap, shottan aqsha sheshken kúdіktі anyqtaldy.
SMARTNEWS.KZ basylymynyń habarlaýynsha, Túrkіstan oblysynda jasóspіrіmder arasynda keń taraǵan onlaın-oıyn arqyly jasalǵan alaıaqtyq áshkerelendі. Polıtseılerdіń málіmetіnshe, kúdіktі oıyn barysynda balalardy aldap, olardyń banktіk derekterіn qolǵa túsіrgen.
Oblystyq polıtsııa departamentіnіń habarlaýynsha, Jetіsaı aýdandyq polıtsııa bólіmіne jergіlіktі turǵyn shaǵymdanǵan. Ol bank esepshotynan belgіsіz jolmen aqsha joǵalǵanyn aıtqan. Tekserý barysynda onyń kámeletke tolmaǵan týysy uıaly telefon arqyly Free Fire oıynyn oınap otyrǵany anyqtaldy.
Oıyn kezіnde belgіsіz adam jasóspіrіmmen baılanysqa shyǵyp, túrlі «bonýstar» men «utystar» beremіn dep ýáde etken. Osylaısha ol baladan bank kartasynyń derekterіn jáne telefonǵa kelgen SMS-kodty aldap alyp, jábіrlenýshіnіń shotynan 380 myń teńgenі aýdaryp jіbergen.
Keıіn polıtsııa 20 jastaǵy Shymkent turǵynyn kúdіktі retіnde anyqtap, bólіmshege jetkіzdі. Onyń janynan alaıaqtyq áreketterde qoldanylǵan bes uıaly telefon tárkіlengen.
Kıberpolıtseılerdіń deregіnshe, kúdіktі oıyn arqyly 60-tan astam jasóspіrіmmen baılanys ornatqan. Olardyń jıyrmadan astamynan aqsha alǵany belgіlі boldy.
Qazіr bul faktі boıynsha sotqa deıіngі tergeý júrіp jatyr. Tergeýshіler kúdіktіnіń basqa da qylmystarǵa qatysy bolýy múmkіn degen nusqany tekserіp jatyr.
Material avtory
