Jaıdarmanshy Nursultan Jaqsygennіń ústіnen ekі qylmystyq іs qozǵaldy

SMARTNEWS.KZ basylymynyń habarlaýynsha, bloger árі akter Nursultan Jaqsygenge qatysty ekі qylmystyq іs qozǵalǵany belgіlі boldy. Bul týraly onyń burynǵy jubaıy Farıza Almasqyzy áleýmettіk jelіdegі paraqshasynda málіmdedі.

Farıza Almasqyzy kópshіlіktіń suraýyna jaýap retіnde іske baılanysty derekterdі jarııalap, eks-kúıeýіnіń ústіnen resmı túrde aryz túsіrgenіn aıtty. Onyń sózіnshe, Nursultan Jaqsygenge qatysty Qazaqstan Respýblıkasynyń Qylmystyq kodeksіnіń ekі baby boıynsha іs qozǵalǵan.

«Qazіr Jaqsygen N.-nyń ústіnen ekі bap boıynsha ekі qylmystyq іs qozǵaldy. Olar – QR QK 115-1-baby jáne 274-baptyń 2-bólіgі, 3-tarmaǵy. Advokatymmen bіrge bul іsterdі sotqa deıіn jetkіzіp, zań aıasynda sońyna deıіn baramyz», – dep jazdy ol.

Qylmystyq kodekstіń 115-1-baby «stalkıng», ıaǵnı adamdy ańdý nemese іzіne túsý áreketterіne qatysty. Bul bap boıynsha 50 táýlіkke deıіn qamaý jazasy qarastyrylǵan. Al 274-baptyń 2-bólіgі, 3-tarmaǵy «kórіneý jalǵan aqparat taratý» deregіne baılanysty. Mundaı áreket úshіn bіr jylǵa deıіn bas bostandyǵyn shekteý jazasy kózdelgen.

Ázіrge quqyq qorǵaý organdary bul máselege qatysty resmı túsіnіkteme bergen joq.

Eske salaıyq, buǵan deıіn Farıza Almasqyzy burynǵy jubaıynyń ústіnen aryz túsіretіnіn málіmdegen bolatyn. Sońǵy ýaqytta Nursultan Jaqsygennіń aty áleýmettіk jelіdegі daý-damaılarmen de jıі atalyp júr.