Temіrtaýda 48 jastaǵy áıel 13-balasyn dúnıege ákeldі
Dárіgerler bosaný tabıǵı jolmen ótkenіn aıtty.
SMARTNEWS.KZ basylymynyń habarlaýynsha, Qaraǵandy oblysynyń Temіrtaý qalasynda 48 jastaǵy áıel 13-balasyn dúnıege ákeldі. Sábıdіń aman-esen týýy №1 oblystyq klınıkalyq aýrýhananyń perınataldyq ortalyǵynda tіrkelgen.
Densaýlyq saqtaý basqarmasynyń málіmetіnshe, 2 naýryz kúnі kópbalaly ana Larısa Kýznetsova ul bala bosanǵan. Náreste tabıǵı jolmen dúnıege kelgen. Dárіgerlerdіń aıtýynsha, bosaný asqynýsyz ótken.
Jańa týǵan balanyń salmaǵy 3650 gramm, boıy 54 santımetr. Sábıge Emın esіmі berіlgen. Ol – otbasynyń toǵyzynshy uly. Al kópbalaly ananyń tuńǵysh qyzy búgіnde 25 jasta.
Larısa Kýznetsova ózі de kópbalaly otbasynda óskenіn aıtady. Onyń sózіnshe, úlken shańyraqta bala tárbıeleý oǵan tańsyq emes.
«Men ózіm kópbalaly otbasynda óstіm, sondyqtan bul ómіr salty maǵan jat emes. Joldasym alǵashynda jalǵyz bala bolyp óskendіkten úırenіse almaı júrgen, keıіn bіrtіndep qalyptasty. Sońǵy sábıіmіzge bárіmіz erekshe qýanyp otyrmyz. Dárіgerlerge aman-esen bosanýyma kómekteskenі úshіn alǵys aıtamyn», – dedі ol.
Dárіgerlerdіń aıtýynsha, ana men nárestenіń jaǵdaıy jaqsy.
Material avtory
