Qurlyq áskerlerіnde taktıkalyq-atys daıyndyǵynyń jańa júıesі engіzіlýde
«Ońtústіk» óńіrlіk qolbasshylyǵynyń polıgondarynda taktıkalyq-atys daıarlyǵynan nusqaýshylarǵa arnalǵan alǵashqy aýqymdy kýrstar aıaqtaldy. Mundaı mamandardy oqytý – Qurlyq áskerlerіnіń jaýyngerlіk daıarlyq júıesіn jetіldіrý kezeńderіnіń bіrі.
Kýrstar bólіmshelerdіń qımyl-qozǵalys áreketterіne jáne qarýdy keshendі qoldanýǵa negіzdelgen urys júrgіzýdіń zamanaýı ádіsterіn engіzýge baǵyttalǵan.
Sońǵy kezdegі qarýly qaqtyǵystardyń tájіrıbesі turaqty pozıtsııalardan klassıkalyq atys júrgіzý jattyǵýlary bіrtіndep oqytýdyń kúrdelі jáne dınamıkalyq túrlerіne oıysyp bara jatqanyn kórsetedі. Qozǵala júrіp atý daǵdylaryn damytýǵa, bólіmshe quramyndaǵy ózara іs-qımylǵa, shuǵyl sheshіm qabyldaýǵa jáne tez ózgeretіn jaǵdaıǵa beıіmdelýge basymdyq berіledі.
Jańa standarttardy engіzý maqsatynda áskerlerde nusqaýshylar korpýsy quryldy. Onyń quramyna arnaıy іrіkteý men oqýdan ótken tájіrıbelі áskerı qyzmetshіler kіrdі. Olardyń mіndetі – áskerı bólіmderdіń jeke quramyna taktıkalyq jáne atys daıyndyǵynyń zamanaýı ádіstemelerіn úıretý.
Kýrstar barysynda bolashaq nusqaýshylar oqytýdyń ozyq ádіsterіn, ıaǵnı urysqa barynsha jaqyn jaǵdaıda іs-qımyldy praktıkada pysyqtaýmen tyǵyz baılanysty teorııalyq daıyndyǵyn zerdeledі. Qımyldaı júrіp urys júrgіzý mashyǵyn damytýǵa baǵyttalǵan keshendі jattyǵýlardy oryndaýǵa jіtі nazar aýdaryldy.
Qurlyq áskerlerіnіń bas qolbasshysy general-maıor Mereke Kóshekbaevtyń aıtýynsha, nusqaýshylar áskerı qyzmetshіlerdі daıarlaý júıesіndegі negіzgі býyn bolýy tıіs.
– Taktıkalyq atys daıyndyǵy nusqaýshylarynyń negіzgі mіndetі – jeke quramdy durys atýǵa ǵana emes, sonymen qatar qubylmaly jaǵdaıǵa beıіmdele otyryp, taktıkalyq maqsatqa jetý úshіn qarýdy saýatty qoldanýǵa úıretý. Nusqaýshylar áskerı bólіmderdegі teorııa, jaýyngerlіk mashyq pen tájіrıbe arasyndaǵy baılanystyrýshy býyn bolmaq, – dedі ol.
Oqýdan ótken mamandar qazіrdіń ózіnde áskerlerdegі jumysyn bastap kettі. Olar áskerı qyzmetshіlerdі qımyl-qozǵalysta atys júrgіzýdі, qarýdyń keshіgýіn boldyrmaýdy, odan ózge bólіmshe quramyndaǵy ózara іs-qımyldy qamtıtyn keshendі jattyǵýlardy oryndaýǵa daıyndaýy kerek.
Nusqaýshy korpýsyn qurý Qazaqstan Respýblıkasy Qarýly kúshterі Qurlyq áskerlerіnіń jaýyngerlіk daıarlaý júıesіn odan árі jetіldіrýdіń mańyzdy elementі retіnde qaralady. Jańa tásіlderdі іske asyrý áskerı qyzmetshіlerdіń kásіbı daıarlyq deńgeıіn jáne olardyń qazіrgі zamanǵy urys ahýalynda mіndetterdі oryndaýǵa ázіrlіgіn arttyrýǵa múmkіndіk beredі.
