RUS
Sársenbі kúnі keshke brıtandyq Whitley Fund for Nature qaıyrymdylyq qory tabıǵatty qorǵaýǵa úles qosqan alty adamdy Whitley Awards syılyǵymen marapattady.
Marapattaý rásіmі Ulybrıtanııanyń Koroldіk geografııa qoǵamynda óttі.
Laýreattardyń bіrі - Qazaqstan bıosanalýandyqty saqtaý qaýymdastyǵynyń múshesі Albert Sálemgareev boldy, ol syılyqty popýlıatsııasy 1,3 mln-nan asatyn aqbókendі saqtaý іsіne qosqan úlesі úshіn aldy.
«Albert jáne onyń komandasy Koroldіk veterınarııa kolledjіmen jáne Azyq-túlіk jáne aýyl sharýashylyǵy uıymymen jumys іsteı otyryp, bolashaqta jabaıy janýarlar aýrýlarynyń oshaqtaryn anyqtaý jáne olarǵa áreket etý shemasyn ázіrledі», - dedі qazaqstandyq tabıǵatty qorǵaýshynyń zertteý prezentatsııasynda.
«Albert aqbókenderdі 2006 jyldan berі zerttep, olardyń daralaryna arnaıy taratqyshtary bar qarǵyny ornatý arqyly spýtnıktіk tańbalaý baǵdarlamasyn basqaryp keledі», - dep habarlady Qazaqstannyń Ulybrıtanııadaǵy elshіlіgі Facebook jelіsіndegі paraqshasynda.
2009 jyldan berі barlyǵy 186 janýarǵa eń salynyp, alynǵan málіmetter olardyń tóldeý kezіnde shoǵyrlaný oryndaryn anyqtap túsіnýge yqpal etkenі atap ótіldі.
Bul derekter «Altyn dala» rezervatyn qurý jáne Yrǵyz-Torǵaı memlekettіk tabıǵı rezervatynyń aýmaǵyn keńeıtý úshіn paıdalanyldy.
Janýarlardyń qonys aýdarý joldarynyń kartalary olardyń terіs áser etý qaýpіn azaıtý úshіn jol ınfraqurylymyn josparlaýda qoldanylady.
Laýreattarǵa syılyqty tabıǵatty Whitley Fund for Nature qorynyń qamqorshysy Ulybrıtanııa hanshaıymy Anna tabys ettі.
Jeńіmpazdar jobalaryn damytqany úshіn £40 000 kólemіnde grant aldy.
A.Salemgareev jáne onyń komandasy bul qarajatqa jabaıy janýarlardyń sýarý oryndaryna kedergіsіz kіrýі jáne mal ustaıtyn jergіlіktі turǵyndarmen sý resýrstaryna qatysty janjaldardyń aldyn alý boıynsha sheshіm іzdestіrý úshіn zertteý júrgіzedі.