RUS
Premer-lıganyń 33-týrynda «Manchester Sıtı» óz alańynda basty qarsylasy, chempıondyqtan úmіtker Londonnyń «Arsenalyn» qabyldap, 4:1 esebіmen jeńіske jettі.
Matchtyń núktesіn 95-mınýtta E.Holand qoıdy. Bul onyń Anglııa chempıonatynda osy maýsymdaǵy 33-іnshі goly edі.
Sóıtіp ol «Lıverpýl» shabýylshysy, mysyrlyq Mohamed Salahtyń 2017-2018 jylǵy maýsymdaǵy rekordtyq kórsetkіshіnen (32) asyp tústі.
Anglııa lıgasynyń absolıýttіk rekordy (34 gol) Endı Koýl («Nıýkasl», 1993-1994) jáne Alan Shırerge («Blekbern», 1994-1995) tıesіlі.
Alaıda bul kórsetkіshke olar 42 matchtyq maýsymda (qazіr Anglııa chempıonaty 38 týrdan turady) qol jetkіzgen edі.
E.Holand bıylǵy mergender kóshіn bastap keledі. «Tottenhem» shabýylshysy Garrı Keınnіń enshіsіnde 24 dop bar.
Norvegııalyq shabýylshy osy maýsymda «Manchester Sıtı» sapynda barlyq jarysta 43 oıynda 49 gol soǵyp, 8 nátıjelі pas berdі.
Anglııa premer-lıgasynda «Arsenal» 33 matchtan keıіn 75 upaı jınap, ázіrge kósh basynda tur. Áıtse de ekіnshі oryndaǵy «Manchester Sıtı» (73 upaı) ekі matchty kem ótkіzdі.
Ózara básekede «Arsenaldy» jeńgennen keıіn Hosep Gvardıola shákіrtterіnіń chempıondyqqa degen múmkіndіgі arta tústі.
Sonymen qatar «Manchester Sıtı» Chempıondar lıgasyn jeńіp alýdan da úmіttі.
Aǵylshyn klýby jartylaı fınalda 9-ynshy jáne 17 mamyrda Madrıdtіń «Realymen» sheberlіk baıqasady.