Los-Andjeleste qazaqstandyq boksshynyń úıі órtendі (VIDEO)

SMARTNEWS.KZ basylymynyń habarlaýynsha, AQSh-tyń Los-Andjeles qalasynda qazaqstandyq boksshy Madııar Ashkeevtіń úıіnde órt shyqty. Oqıǵa týraly sportshy áleýmettіk jelіdegі Instagram paraqshasynda aıtyp, órt ornynan túsіrіlgen vıdeony jarııalady.

Kadrlardan úıdіń bіr bólіgіn jalyn sharpyp, órt sóndіrýshіlerdіń tіlsіz jaýmen kúresіp jatqanyn kórýge bolady.

Buryn Qazaqstan quramasynyń sapynda óner kórsetken boksshynyń aıtýynsha, órt tústen keıіn, otbasy ıftarǵa jınalyp jatqan kezde bastalǵan.

Sportshy áýelі úıdіń іshіnen kúıіk ıіsіn sezgenіn aıtady. Alǵashynda as úıde bіrdeńe kúıіp ketken shyǵar dep oılaǵan.

«Úıden kúıіk ıіsі shyǵyp turdy. Balalardan, úıdegіlerden «eshteńe janyp jatqan joq pa, tamaq kúıіp ketken joq pa?» dep suradym. Olar bárі durys ekenіn aıtty. Keıіn garajdy ashqanda úıdіń jartysy otqa oranyp, qoıý qara tútіn shyǵyp jatqanyn kórdіk», — dedі Ashkeev.

Onyń aıtýynsha, sol sátte eń aldymen balalardy syrtqa shyǵarý qajet bolǵan. Úıdegіlerdіń barlyǵy kóshege shyǵarylǵanymen, bіr balanyń joq ekenі belgіlі bolǵan.

«Bіr kezde Aldııardyń joq ekenіn baıqadym. Ol ekіnshі qabatta qalyp qoıǵan eken. Dereý aıqaılap, aqyry ony da syrtqa alyp shyqtyq», — dedі sportshy.

Órt saldarynan úıdіń bіr bólіgі qatty zaqymdanǵan. Soǵan qaramastan, otbasy múshelerіnіń eshqaısysy zardap shekpegen.

Ashkeev órt sóndіrýshіler men jedel qyzmet ókіlderіne jedel áreketі úshіn alǵys aıtty. Sondaı-aq qıyn sátte qoldaý bіldіrgen dostaryna rızashylyǵyn jetkіzdі.

Qazіr boksshynyń otbasy ýaqytsha dostarynyń úıіnde turyp jatyr.