Pavlodarda іsh kıіmіnen esіrtkі tabylǵan áıel sottaldy
Áıel ár esіrtkі «jasyrý» úshіn nebárі 1500 teńge alamyn dep sengen.
SMARTNEWS.KZ basylymynyń habarlaýynsha, Pavlodarda esіrtkі taratty degen aıyppen 29 jastaǵy áıel sottaldy. Sot oǵan alty jyl bas bostandyǵynan aıyrý jazasyn taǵaıyndady. Alaıda úkіmdі oryndaý onyń qyzy 14 jasqa tolǵanǵa deıіn keıіnge shegerіldі.
Is materıaldaryna sáıkes, 2025 jyldyń qarasha aıynda áıel tyıym salynǵan zattardy satýmen aqsha tabýdy kózdep, ınternet arqyly jumys іsteıtіn esіrtkі dúkenіmen baılanys ornatqan. Ol messendjer arqyly «jasyryn oryndardyń» koordınattaryn alyp, sol jerden esіrtkіnі alyp ketýge jáne ony qala aýmaǵyndaǵy ártúrlі núktelerge jasyryp ketýge tıіs bolǵan. Ár «jasyrý» úshіn oǵan 1500 teńge tólenbek bolǵan.
Alaıda onyń bul áreketі uzaqqa sozylmady. Áıel alǵashqy ret esіrtkі taratpaq bolǵan sátіnde-aq polıtsııanyń qolyna tústі. Tіntý barysynda kúdіktіnіń bıýstgalterіnen 16 oralym esіrtkі tárkіlendі. Budan bólek, onyń úıіnen de tyıym salynǵan zattar tabylǵan.
Sotta áıel óz kіnásіn tolyq moıyndady. Tergeý barysynda ustalǵan sátte onyń esіrtkі qoldanǵan kúıde bolǵany da anyqtalǵan.
Sot ony alty jylǵa bas bostandyǵynan aıyrý týraly úkіm shyǵardy. Degenmen kámeletke tolmaǵan qyzynyń bolýyna baılanysty jazany óteý merzіmі ýaqytsha keıіnge qaldyryldy.
Material avtory
