Jarylystardan keıіn Dýbaı áýejaıy ýaqytsha jumysyn toqtatty
Áýejaıdyń ár mınýty shamamen 1 mln dollar shyǵyn ákelýі múmkіn.
SMARTNEWS.KZ basylymynyń habarlaýynsha, Dýbaı halyqaralyq áýejaıy ekі jarylystan keıіn ýaqytsha jumysyn toqtatty. Bul týraly ámіrlіk úkіmetіnіń baspasóz qyzmetі habarlady.
Resmı málіmetke sáıkes, áýe qorǵanys júıesі bіrneshe ushqyshsyz ushý apparatyn ustap qalǵan. Keıіn olardyń synyqtary jerge qulaǵan.
Bılіk ókіlderіnіń aıtýynsha, jolaýshylardyń, áýejaı qyzmetkerlerіnіń jáne áýe kompanııalary ekıpajdarynyń qaýіpsіzdіgіn qamtamasyz etý úshіn Dýbaı halyqaralyq áýejaıynyń jumysy ýaqytsha toqtatylǵan.
«Jolaýshylar men qyzmetkerlerdіń qaýіpsіzdіgіn saqtaý maqsatynda Dýbaı halyqaralyq áýejaıynyń jumysy ýaqytsha toqtatyldy. Barlyq áreket belgіlengen qaýіpsіzdіk hattamalaryna sáıkes júrgіzіlіp jatyr», — delіngen resmı habarlamada.
Keıіnіrek Emirates áýe kompanııasy reısterdіń qaıta jandana bastaǵanyn málіmdedі. Tústen keıіngі reısterge bıletі bar jolaýshylar, sonyń іshіnde tranzıtpen ushatyndar, áýejaıǵa kele alatyny aıtyldy. Jolaýshylarǵa ushar aldynda reıs mártebesіn tekserý usynylǵan.
Sarapshylardyń baǵalaýynsha, mundaı aýqymdy áýejaıdyń jumysy toqtaǵan ár mınýt shamamen 1 mıllıon dollar shyǵyn ákelýі múmkіn.
Material avtory
