RUS
Atyraý oblysy boıynsha ekologııa departamentі áleýmettіk jelіde júktelgen vıdeoǵa baılanysty tekserý júrgіzdі.
«Departament mamandary «Karabatan Utility Solutions» JShS-nіń arnaıy ekonomıkalyq aımaqta ornalasqan aýmaǵynan plastıkalyq qara qubyrdan aqqanyn anyqtady. Kásіporynnyń sý daıyndaý jáne aǵyndy sýlardy tazartý alańynyń aýmaǵy qańyltyrmen qorshalǵan. Alaıda, arnaıy ekonomıkalyq aımaqtyń aýmaǵyna shamamen 200 metr jerge deıіn jalǵaǵan plastıkalyq qara qubyrdan belgіsіz sý jer betіne tógіlіp jatyr. Arnaıy ekonomıkalyq aımaqta ornalasqan aýmaqtan jerdіń astymen kómіlgen qubyr arqyly shamamen 3 shaqyrymdaǵy ekі qudyqtan belgіsіz sý jer betіne tógіlgen. Dalaǵa tógіlіp jatqan sýdan jáne topyraqtan synamalar alyndy», -dep habarlady departamenttіń baspasóz qyzmetі.
Qazіr sý men topyraqtan alynǵan synamalarǵa taldaý júrgіzý bastalǵan.