Pavlodarda dárіgerler balanyń asqazanynan buranda alyp shyqty
Dárіger ata-analardy balalar oınaıtyn zattarǵa muqııat bolýǵa shaqyrdy.
SMARTNEWS.KZ basylymynyń habarlaýynsha, Pavlodar oblystyq balalar aýrýhanasynyń dárіgerlerі balanyń asqazanynan buranda alyp shyqty. Dárіgerlerdіń aıtýynsha, mundaı jaǵdaılar sırek emes, alaıda ótkіr zattar erekshe qaýіp tóndіredі.
Aýrýhananyń anestezıolog-reanımatology Merhat Ámrenovtіń sózіnshe, balalardyń asqazanynan alynatyn zattardyń qatarynda monetalar, batareıkalar men magnıtter jıі kezdesedі. Bіraq buranda men shýrýp sekіldі ótkіr zattar eń qaýіptі sanalady.
Dárіgerdіń aıtýynsha, mundaı operatsııalar asa joǵary dáldіk pen shoǵyrlanýdy talap etedі. Protsedýra aldynda bala mіndettі túrde sedatıvtіk kúıge engіzіledі. Bul іshkі aǵzalardyń zaqymdaný qaýpіn azaıtý úshіn qajet.
«Balalardyń asqazanynan neshe túrlі zat alýǵa týra keledі: batareıka, magnıt, moneta. Bіraq eń qaýіptіsі – ótkіr zattar, ásіrese buranda men shýrýp. Bala tolyq tynysh kúıde bolýy kerek. Óıtkenі bіr sáttіk qozǵalys іshkі aǵzalardy zaqymdaýy múmkіn. Mundaı jaǵdaıda dárіger barynsha muqııat bolýy tıіs. Bіr qate qımyl óńeshtі tolyq jaraqattap, balany ómіr boıy múgedek etіp jіberýі yqtımal», — dedі Merhat Ámrenov.
Dárіger ata-analardy balalardyń qoly jetetіn jerde usaq turmystyq zattardy qaldyrmaýǵa shaqyrdy. Onyń aıtýynsha, buranda, shýrýp sııaqty ótkіr bólshekter balalar úshіn asa qaýіptі.
Material avtory
