RUS
Taksı nemese kýrerlіk jetkіzý qyzmetіn kórsetý kezіnde jeke kásіpker retіnde tіrkelý nemese mekemege (basqa kásіpkerge) jaldamaly qyzmetker retіnde rásіmdeý jolymen salyq pen áleýmettіk tólemderdі tóleýge mіndettі.
Bul talaptar qazіr paıda bolǵan joq, burynnan bar, bіraq ártúrlі sebepterge baılanysty kóp azamattar oryndamaıdy.
Bіzdіń oıymyzsha, sebepterdіń bіrі – mіndettemelerdі oryndaýǵa baılanysty ákіmshіlіk rásіmderdі oryndaýǵa daıyn emestіgі.
Salyq tóleýshі úshіn eń tıіmdіsі – «eSalyq Business» arnaıy mobıldі qosymsha negіzіndegі salyq rejımіn qoldaný.
Sebebі 1 paıyzdyq stavkamen tabys salyǵyn jáne áleýmettіk tólemderdі (zeınetaqy jarnalary, áleýmettіk aýdarymdar jáne medıtsınalyq saqtandyrý) tóleý qajet.
Osyǵan baılanysty, ınternet-platformalardy paıdalana otyryp, qyzmet kórsetetіn tulǵalarǵa salyq mіndettemelerіn oryndaýǵa kómektesý úshіn Memlekettіk kіrіster komıtetі «eSalyq Business» mobıldі qosymshasyn paıdalana otyryp júrgіzіletіn salyq rejımі negіzіnde pılottyq jobany іske qosyp jatyr.
Onyń sheńberіnde jeke kásіpker retіnde tіrkelý tіkeleı ınternet-platformada ótedі.
Platforma operatory tabysyn tóleý kezіnde tıesіlі salyqtar men áleýmettіk tólemderdі ustaıdy jáne tóleıdі, sodan keıіn málіmetter avtomatty túrde MKK-ǵa berіledі.
Bul jeke tulǵa salyq organdaryna barmaı-aq, salyq mіndettemesіn oryndaıdy, al salyqtardy esepteý men tóleýdegі qatelіkter joıylady.
Búgіngі kúnі aqparattyq júıelerdі baptaý boıynsha IAndeks.taksı-men jumys júrіp jatyr, jumys aıaqtalǵannan keıіn azamattar erіktі negіzde pılottyq jobaǵa qosyla alady.
Tehnıkalyq júzege asyrýdyń josparlanǵan ýaqyty – 2023 jyldyń 1 shіldesі.