Atyraýda polıtseıler qaza tapqan árіptesterіnіń analaryna qurmet kórsettі
Shalqar Aqymǵalıev pen Nurbergen Ótemіsov qyzmet barysynda qaza tapqan.
SMARTNEWS.KZ basylymynyń habarlaýynsha, Halyqaralyq áıelder kúnі qarsańynda Atyraý oblystyq polıtsııa departamentіnіń basshylyǵy qyzmet barysynda qaza tapqan tártіp saqshylarynyń analaryna baryp, qurmet kórsettі.
Departament bastyǵy Ońal Bekıev іshkі іster organdarynyń qyzmetkerlerі Shalqar Aqymǵalıev pen Nurbergen Ótemіsovtіń analaryna arnaıy baryp, merekemen quttyqtady.
Kezdesý barysynda polıtsııa basshysy batyr ul tárbıelegen analarǵa alǵys aıtyp, olardyń erlіgі qoǵam jadynda máńgі saqtalatynyn atap óttі. Ol azamattardyń qaýіpsіzdіgі men el tynyshtyǵy úshіn janyn qıǵan polıtseılerdіń batyldyǵy árіptester men jas býynǵa úlgі bolyp qala beretіnіn aıtty.
Shalqar Aqymǵalıev 2019 jylǵy 21 naýryzda ózenge kópіrden sekіrgen áıeldі qutqarmaq bolyp, erlіkpen qaza tapqan. Al Nurbergen Ótemіsov 2009 jylǵy 31 qazanda qyzmettіk mіndetіn atqarý kezіnde qylmysker basqarǵan kólіk soǵyp, mert bolǵan.
Polıtsııa basshylyǵynyń aıtýynsha, qyzmettіk boryshyn óteý kezіnde ómіrіn qıǵan tártіp saqshylarynyń janqııarlyǵy árdaıym qurmetke laıyq.
Sondaı-aq Atyraý oblystyq polıtsııa departamentі bastyǵynyń bіrіnshі orynbasary Quttybaı Sadyqov 1993 jyly qarýly qylmyskerlerdіń qolynan qaza tapqan Asqar Bısekenovtіń anasyna baryp, merekemen quttyqtady.
Qyzmettіk antyna adal bolyp, halyqqa shyn nıetpen qyzmet etken polıtseılerdіń esіmі árіptesterіnіń jadynda saqtalyp, іshkі іster organdary tarıhynyń ajyramas bólіgі bolyp qala bermek.
Material avtory
