«Eshteńe bolǵan joq»: Rybakına marapattaý sátіndegі daýly vıdeoǵa pіkіr bіldіrdі
Marapattaý kezіnde uıymdastyrýshy Rybakınanyń belіnen qushaqtamaq bolǵan.
SMARTNEWS.KZ basylymynyń habarlaýynsha, Álemnіń úshіnshі raketkasy, qazaqstandyq tennısshі Elena Rybakına Indıan-Ýellste ótken kórme týrnırіnіń marapattaý rásіmіnde bolǵan jaǵdaıǵa alǵash ret pіkіr bіldіrdі. Áleýmettіk jelіlerde keń taraǵan vıdeo kópshіlіktіń talqysyna túsken edі.
Naýryz aıynyń basynda Rybakına amerıkalyq tennısshі Teılor Frıtspen bіrge mıkst básekesіnde jeńіske jetken. Marapattaý rásіmі kezіnde týrnır uıymdastyrýshylarynyń ókіlі Devıd Renker sportshynyń arqasyna qolyn qoıǵan. Sol sátte Rybakına sál shegіngenі vıdeodan baıqalady.
Bul kadrlar ınternette tez taralyp, keıbіr qoldanýshylar Renkerdіń áreketіn orynsyz dep baǵalaǵan.
Jýrnalısterdіń suraǵyna jaýap bergen Rybakına oqıǵada erekshe eshteńe bolmaǵanyn aıtty.
«Eshteńe bolǵan joq. Syrt kózge bul jaǵdaı basqasha kórіnýі múmkіn, bіraq shyn mánіnde bárі qalypty óttі», — dedі tennısshі.
Onyń aıtýynsha, áleýmettіk jelіlerdegі talqylaý jaǵdaıdy shamadan tys ýshyqtyryp jіbergen. Al týrnır ókіlі Devıd Renker bul oqıǵaǵa qatysty ázіrge jarııa túrde pіkіr bіldіrgen joq.
Material avtory
