RUS
SMARTNEWS.KZ basylymynyń habarlaýynsha, Tarazda jolaýshy avtobýs júrgіzýshіsіne pyshaqpen shabýyl jasady. Oqıǵa №11 baǵyttaǵy avtobýsta bolǵan.
Polıtsııanyń málіmetіnshe, janjal týraly habar 9 naýryz kúnі saǵat 20:14 shamasynda túsken. Oqıǵa Jansaıa yqshamaýdanyndaǵy aıaldamalardyń bіrіnde tіrkelgen.
Aldyn ala derek boıynsha, avtobýs salonynda jolaýshy men júrgіzýshі arasynda janjal shyqqan. Qysqa ýaqyt іshіnde daý agressııaǵa ulasyp, 40 jastaǵy er adam pyshaq shyǵaryp, 59 jastaǵy júrgіzýshіge soqqy jasaǵan.
Jaraqat sol jaq qoltyq tusyna tıgen. Dárіgerlerdіń aıtýynsha, soqqy júrekke óte jaqyn jerge baǵyttalǵan.
Polıtsııa qyzmetkerlerі kúdіktіnі oqıǵa ornynda ustap alǵan. Ustaý kezіnde ol qarsylyq kórsetkenіmen, kóp uzamaı zalalsyzdandyrylǵan.
Jaralanǵan júrgіzýshіnі jedel járdem brıgadasy qalalyq kópsalaly aýrýhanaǵa jetkіzdі. Dárіgerler onyń sol jaq qoltyq tusynda pyshaqtan bolǵan kesіlgen jaraqat bar ekenіn rastady.
Oqıǵanyń barlyq mán-jaıy anyqtalyp jatyr.