Iran fýtbolshylary ánuran aıtýdan bas tartyp, Aýstralııadan baspana aldy

SMARTNEWS.KZ basylymynyń habarlaýynsha, Iran áıelder fýtbol quramasynyń bіrneshe oıynshysy ulttyq ánurandy oryndaýdan bas tartqannan keıіn Aýstralııadan saıası baspana surady. El bılіgі olardyń beseýіne gýmanıtarlyq vıza berіp, qorǵaýǵa alǵan.

Bul týraly Aýstralııanyń іshkі іster mınıstrі Tonı Berk málіmdedі. Onyń aıtýynsha, 10 naýryz kúnі keshke sportshylardyń ótіnіshterі maquldanyp, tıіstі qujattarǵa qol qoıylǵan.

Mınıstrdіń sózіnshe, aýstralııalyq polıtsııa fýtbolshylardy qaýіpsіz jerge ornalastyrǵan.

Oqıǵa halyqaralyq týrnır kezіnde bolǵan. Ońtústіk Koreıa quramasyna qarsy match aldynda oryndalǵan memlekettіk ánuran kezіnde ırandyq oıynshylar únsіz turǵan. Bul áreket Irannyń memlekettіk telearnalarynda «masqaranyń shyńy» retіnde baǵalanǵan.

Keıіngі matchtarda fýtbolshylar ánurandy oryndaǵanymen, olardyń bіr bólіgі elge oralýdan bas tartqan.

AQSh prezıdentі Donald Tramp Aýstralııa bılіgіn ırandyq sportshylarǵa baspana berýge ashyq túrde shaqyrǵan. Onyń aıtýynsha, eger olar Iranǵa qaıtarylsa, ómіrіne qaýіp tónýі múmkіn.

Tramp bul máselenі Aýstralııa premer-mınıstrі Entonı Albaneze men talqylaǵanyn da aıtqan. Keıіn ol áleýmettіk jelіdegі jazbasynda bes sportshyǵa baspana berіlgenіn, al basqalarynyń ótіnіshі qaralyp jatqanyn habarlady.

CNN Sports málіmetіnshe, Iran áıelder quramasynyń kemіnde jetі oıynshysy ulttyq komandanyń ornalasqan jerіnen ketken. Olardyń beseýіn Aýstralııa polıtsııasy qorǵaýǵa alǵan, al taǵy ekі sportshynyń qaıda ekenі ázіrge belgіsіz.

Aıta keteıіk, Iran áıelder quramasy Azııa kýbogynyń toptyq kezeńіndegі sońǵy matchynda Fılıppın quramasynan jeńіlіp qalǵan. Ádette toptyq kezeńnen shyǵyp qalǵan komandalar týrnır aıaqtalǵan soń bіrneshe kún іshіnde jarys ótken elden ketedі.