Qonaevta balalardyń janynda ádepsіz áreket jasaǵan er adam jaýapqa tartyldy (VIDEO)
Oqıǵa týraly vıdeo áleýmettіk jelіlerde taraǵan.
SMARTNEWS.KZ basylymynyń habarlaýynsha, Qonaev qalasynda balalardyń janynda ádepsіz áreket jasaǵan er adam polıtsııa tarapynan jaýapkershіlіkke tartyldy. Oqıǵa týraly vıdeo áleýmettіk jelіlerde tarady.
Jergіlіktі turǵyndardyń aıtýynsha, belgіsіz er adam qoǵamdyq orynda kámeletke tolmaǵandardyń janynda kúmándі árі ádepsіz áreketter jasaǵan. Kýágerler onyń balalardy baqylap turǵanyn aıtyp, quqyq qorǵaý organdaryna shaǵymdanǵan. Bul jaǵdaı qala turǵyndarynyń alańdaýshylyǵyn týǵyzyp, kúdіktіnіń jeke basyn anyqtaýdy talap etken.
Almaty oblysy polıtsııa departamentі málіmetіnshe, er adamnyń jeke tulǵasy anyqtalyp, oǵan qatysty bіrneshe ákіmshіlіk quqyqbuzýshylyq boıynsha shara qoldanylǵan.
Polıtsııanyń habarlaýynsha, ol qoǵamdyq tártіptі buzǵany, qoǵamdyq orynda mas kúıіnde júrgenі jáne dárіgerdіń taǵaıyndaýynsyz esіrtkі zattaryn paıdalanǵany úshіn jaýapqa tartylǵan. Is materıaldary sotqa joldanǵan.
Sonymen qatar quqyq buzýshyǵa zańǵa qaıshy áreketterdіń saldary týraly profılaktıkalyq túsіndіrý jumystary júrgіzіlgen.
Polıtsııa azamattardy qoǵamdyq tártіptі saqtaýǵa jáne aınaladaǵy adamdardyń qaýіpsіzdіgіne jaýapkershіlіkpen qaraýǵa shaqyrdy.
Material avtory
