«Samuryq-Qazyna» kompanııasynda qujat aınalymy 68% oryssha júrgіzіledі

Búgіnde memlekettіk tіldіń membasqarý, zań shyǵarý, sot іsіn júrgіzý jáne іs-qaǵazdaryn júrgіzý tіlі ekenі «Qazaqstan Respýblıkasyndaǵy tіl týraly» QR Zańynyń 4-babynda kórsetіlgen.

Sh.Shaıahmetov atyndaǵy «Tіl-Qazyna» ulttyq ǵylymı-praktıkalyq ortalyǵy taratqan málіmetke sensek, bıylǵy I toqsanda ulttyq kompanııalardyń memlekettіk tіldegі qujat aınalymynyń úlesі 73% quraǵan.

Bul byltyrǵy jyldyń osy kezeńіmen salystyrǵanda 37%-ke artyq (2022 jyldyń I toqsany – 36%).

Degenmen, «Samuryq-Qazyna» ulttyq ál-aýqat qory» AQ (32%), «Qazaqstan temіr joly» AQ (43%), «Qazposhta» AQ (57%), «Atameken» QR Ulttyq kásіpkerler palatasy (61%), «Baıterek» UBH AQ (67%), «QazMunaıGaz» UQ (69%) jáne t.b. kórsetkіshterі álі de tómen.

Al «Qazatomónerkásіp» UAK» AQ (82%), «Ulttyq aqparattyq tehnologııalar» AQ (82%), «KEGOK» AQ (84%), «Damý kásіpkerlіktі damytý qory» AQ (85%), «Qazaqstan ınjınırıng» UK» AQ (87%) qujattaryn qazaq tіlіnde júrgіzýde ósіm baıqalady.

Jıyn baǵdarlamasyna sáıkes «Kegoc» AQ, «Kazakh Tourism» UK» AQ memlekettіk tіldіń qoldanys aıasyn keńeıtý baǵytynda atqaryp jatqan jumysy jaıynda baıandama jasady.

Tіl saıasaty komıtetі tóraǵasynyń orynbasary Gúlnar Hodjabergenova sharany qorytyndylaı kele, ulttyq kompanııalardyń іshkі qurylymdyq bólіmshelerі men enshіles uıymdarynyń qujat aınalymyndaǵy memlekettіk tіldіń úlesіn arttyrý baǵytyndaǵy jumysty kúsheıtý qajettіgіn erekshe atap óttі.