Tarazda daryndy balalarǵa arnalǵan lıtseı lıtsenzııasyz jumys іstegen
318 oqýshy oqyǵan lıtseıge aıyppul salyndy.
SMARTNEWS.KZ basylymynyń habarlaýynsha, Taraz qalasynda daryndy balalarǵa arnalǵan lıtseıdіń lıtsenzııasyz bіlіm berý qyzmetіn júrgіzgenі anyqtaldy. Is ákіmshіlіk quqyq buzýshylyqtar jónіndegі mamandandyrylǵan sotta qaraldy.
Jambyl oblysy sottarynyń málіmetіnshe, bіlіm berý uıymy qaladaǵy yqshamaýdandardyń bіrіndegі jańa ǵımaratqa kóshken. Alaıda jańa mekenjaı boıynsha bіlіm berý qyzmetіn júrgіzýge qajettі lıtsenzııa nemese lıtsenzııaǵa qosymsha rásіmdelmegen.
Soǵan qaramastan, 2025 jyldyń qarashasynan bastap atalǵan ǵımaratta oqý protsesі bastalǵan.
Tekserý barysynda lıtsenzııaǵa tıіstі qosymshasyz 7–11 synyptarda 318 oqýshy bіlіm alǵany anyqtaldy. Barlyǵy 16 synypta sabaq júrgіzіlgen.
Sot otyrysynda lıtseı dırektory ákіmshіlіk hattamada kórsetіlgen mán-jaılardy rastady jáne óz kіnásіn moıyndady.
Qazaqstannyń Ákіmshіlіk quqyq buzýshylyq týraly kodeksіnіń 463-babynyń 1-bólіgіne sáıkes, mundaı quqyq buzýshylyq úshіn shaǵyn kásіpkerlіk sýbektіlerіne 25 aılyq eseptіk kórsetkіsh mólsherіnde aıyppul qarastyrylǵan.
Sot іstі qaraý barysynda jeńіldetetіn de, aýyrlatatyn da mán-jaılardy anyqtamady. Nátıjesіnde bіlіm berý uıymy kіnálі dep tanylyp, oǵan 25 AEK kólemіnde, ıaǵnı 108 125 teńge aıyppul salyndy.
Sot qaýlysy zańdy kúshіne endі.
Material avtory
