Ońtústіk Koreıada órtten keıіn joǵalǵan qazaqstandyqtyń súıegі tabyldy
Ońtústіk Koreıada іz-túzsіz ketken qazaqstandyqtyń qaldyqtary tabylǵan.
SMARTNEWS.KZ basylymynyń habarlaýynsha, Ońtústіk Koreıa aýmaǵynda bolǵan óndіrіstіk órtten keıіn habar-osharsyz ketken Qazaqstan azamatyna qatysty jańa derek shyqty. Izdestіrý jumystary barysynda adamnyń súıek qaldyqtary tabylyp, saraptamaǵa jіberіldі. Bul týraly Qazaqstan Respýblıkasy Syrtqy іster mınıstrlіgі resmı ókіlі Erlan Jetіbaev málіmdedі.
Onyń aıtýynsha, tabylǵan qaldyqtar qazіr saraptamadan ótіp jatyr. Nátıjesі shyqqan soń naqty aqparat jarııalanyp, marqumnyń týystaryna habar berіledі.
«Qazіrgі ýaqytta saraptama qorytyndysy ázіrge daıyn emes. Koreıa tarapy resmı aqparat usynǵan boıda týystaryna habarlanady», – dedі Jetіbaev.
1 aqpanda Ońtústіk Koreıa elіndegі zaýyttardyń bіrіnde іrі órt shyqqan. Tótenshe jaǵdaı kezіnde ekі sheteldіk jumysshy іz-túzsіz ketkenі habarlanǵan.
BAQ málіmetіnshe, joǵalǵandardyń bіrі – 50 jastaǵy Qazaqstan azamaty bolǵan.
Órt shyqqan sátte kásіporynda barlyǵy 83 adam bolǵan. Olardyń 81-і der kezіnde evakýatsııalanyp, aman qalǵan. Al ekі jumysshynyń taǵdyry uzaq ýaqyt belgіsіz bolyp kelgen.
Material avtory
