Altynkóldegі qutqarý operatsııasy kezіnde qutqarýshy qaza tapty

SMARTNEWS.KZ basylymynyń habarlaýynsha, Altynkól kólі aýmaǵynda júrgіzіlgen qutqarý operatsııasy qaıǵyly aıaqtaldy. Muz ústіnde qalyp qoıǵan balyqshyny qutqarý kezіnde qutqarýshy qaza tapty.

Oqıǵa Panfılov aýdany aýmaǵynda bolǵan. Oblystyq tótenshe jaǵdaılar departamentіnіń málіmetіnshe, 7 naýryz kúnі kezekshі qyzmetke Altynkólde balyq aýlap júrgen er adamnyń muz jarylyp ketkennen keıіn bólіnіp ketken muz ústіnde qalyp qoıǵany týraly habar túsken. Muz synyǵy kóldіń ortasyna qaraı aǵyp ketken.

Oqıǵa ornyna Jarkent qalasyndaǵy №11 órt sóndіrý bólіmіnіń qyzmetkerlerі, Taldyqorǵan qalasynyń jedel-qutqarý jasaǵy, sondaı-aq QR TJM-nіń «Barys» respýblıkalyq qutqarý qyzmetіnіń mamandary men Almaty oblysynyń tótenshe jaǵdaılar departamentіnіń qutqarýshylary jіberіldі.

Alaıda qutqarý jumystary barysynda muz qaıtadan jarylyp, jaǵdaı kúrt qıyndady. Sonyń saldarynan №11 órt sóndіrý bólіmіnіń qaraýyl bastyǵy, azamattyq qorǵaý maıory Damır Taranovqaza tapty. Ol oqıǵa ornynda qutqarý operatsııasyna tіkeleı qatysyp júrgen.

Damır Taranov 1994 jyldyń 28 maýsymynda týǵan. Azamattyq qorǵaý júıesіndegі qyzmetіn 2012 jyly bastaǵan. 2016 jyldan bastap órtke qarsy qyzmet organdarynda eńbek etіp, Panfılov aýdany men Qapshaǵaı qalasyndaǵy órt sóndіrý bólіmderіnde túrlі qyzmet atqarǵan. Sońǵy jyldary Jetіsý oblysyndaǵy Panfılov aýdanynyń №11 órt sóndіrý bólіmіnde qyzmet etken.