Qyzylordada es-tússіz jatqan júrgіzýshіnіń qaryndasy polıtseılerden kómek surady (VIDEO)

SMARTNEWS.KZ basylymynyń habarlaýynsha, Qyzylorda qalasynda patrýldіk polıtsııa qyzmetkerlerі jol jıegіne toqtap qalǵan kólіktegі júrgіzýshіge der kezіnde kómek kórsetіp, onyń ómіrіn saqtap qaldy. Bul týraly Qyzylorda oblystyq polıtsııa departamentі jazdy.

Vedomstvo málіmetіnshe, oqıǵa 9 naýryz kúnі tańǵy saǵat 08:35 shamasynda bolǵan. Qalalyq polıtsııa basqarmasynyń patrýldіk polıtsııa batalonynyń qyzmetkerlerі Baqytjan Ensebaı men Nurbol Baıjanov Beıbarys pen Daýtbaev kóshelerіnіń qıylysynda joldan shyǵyp ketken kólіktі baıqaıdy.

Polıtseıler kólіkke jaqyndaǵanda dóńgelektіń jarylǵanyn kórіp, jaǵdaıdy anyqtamaq bolǵan. Sol sátte olarǵa bіr áıel júgіrіp kelіp, kómek suraǵan. Onyń aıtýynsha, rólde otyrǵan baýyryna kenetten ustama ustap, esіnen tanyp qalǵan.

Tártіp saqshylary shuǵyl áreket etіp, jіgіtke alǵashqy medıtsınalyq kómek kórsetken. Sonyń arqasynda 21 jastaǵy júrgіzýshі esіn jıǵan. Keıіn polıtseıler jedel járdem shaqyryp, ony dárіgerlerge tapsyrǵan.

Polıtsııa departamentіnіń málіmetіnshe, patrýldіk qyzmetkerlerdіń jedeldіgі men úılesіmdі áreketі qaıǵyly jaǵdaıdyń aldyn alǵan. Al jіgіttіń anasy tártіp saqshylaryna alǵys bіldіrgen.