Qaraǵandy oblysynda boranda qalǵan 46 adam qutqaryldy
Qar qursaýynda qalǵandardyń arasynda balalar da bolǵan.
SMARTNEWS.KZ basylymynyń habarlaýynsha, Qaraǵandy oblysynda qolaısyz aýa raıy saldarynan jolda qalyp qoıǵan ondaǵan adamǵa qutqarýshylar kómek kórsettі. Tótenshe jaǵdaılar mınıstrlіgіnіń málіmetіnshe, barlyǵy 46 azamat qaýіpsіz jerge jetkіzіlgen.
Osakarov aýdanynda Osakarovka kentіnen shamamen 7 shaqyrym jerde ornalasqan «Osakarovka – Nura» oblystyq mańyzy bar avtojolynyń jabyq ýchaskesіnde toǵyz jeńіl kólіk qar qursaýynda qalǵan. Oqıǵa ornyna jetken qutqarýshylar arnaıy jol talǵamaıtyn tehnıkamen 22 adamdy, onyń іshіnde úsh balany evakýatsııalap, Selstroı aýylyna jetkіzdі. Olardyń eshqaısysyna medıtsınalyq kómek qajet bolmaǵan.
Sonymen qatar Nura aýdanynda jabyq blok-beket mańynda jınalyp qalǵan kólіkterden 21 adam, onyń іshіnde úsh bala evakýatsııalanyp, jylytý pýnktіne jetkіzіlgen.
Budan bólek, Nura kentіnen 12 shaqyrym jerde aýdarylyp qalǵan jeńіl kólіkten bіr adam qutqarylyp, eldі mekenge jetkіzіldі. Taǵy bіr jaǵdaıda Nuradan 15 shaqyrym jerde tehnıkalyq aqaýy bar kólіkte qalǵan ekі adam qutqarylyp, qaýіpsіz jerge jetkіzіlgen. Ekі jaǵdaıda da zardap shekkenderge medıtsınalyq kómek qajet bolmaǵan.
Tótenshe jaǵdaılar mınıstrlіgі turǵyndarǵa jolǵa shyǵar aldynda aýa raıynyń jaǵdaıyn jáne avtojoldardyń jaı-kúıіn muqııat tekserýge keńes beredі. Sonymen qatar qaýіpsіzdіk talaptaryn qatań saqtaýdy eskerttі.
Material avtory
