Aqtóbede satýshy er adamdy alaıaqtarǵa 10 mln teńge aýdarýdan saqtap qaldy
Dúken qyzmetkerі alaıaqtardyń qurbany bolǵaly turǵan er adamdy toqtatty.
SMARTNEWS.KZ basylymynyń habarlaýynsha, Aqtóbede dúken qyzmetkerіnіń qyraǵylyǵy іrі qarjylyq shyǵynnyń aldyn aldy. Ol telefon alaıaqtarynyń qurbany bolǵaly turǵan er adamdy toqtatyp, mıllıondaǵan teńgenіń saqtalýyna yqpal ettі.
Oqıǵa 10 naýryz kúnі bolǵan. Dúken menedjerі kelýshіlerdіń bіrіnіń telefonmen sóılesіp, qatty abyrjyp turǵanyn baıqaıdy. Onyń áreketі kúdіk týdyrǵan soń, qyzmetker áńgіmege aralasqan.
Belgіlі bolǵandaı, er adam telefon arqyly sóılesken adamdardyń nusqaýymen 10 mıllıon teńge aýdarmaq bolǵan. Ol tіptі suralǵan aqshany tabý úshіn ata-anasy otbasylyq merekege daıyndap qoıǵan altyn áshekeılerdі satýǵa da daıyn bolǵan.
Soǵan qaramastan, ol alaıaqtarǵa 800 myń teńge aýdaryp úlgergen.
Jaǵdaıdy túsіngen menedjer bіrden «102» nómіrіne habarlasqan. Polıtsııa kelgenge deıіn ol er adamdy belgіsіz adamdardyń sózіn tyńdamaýǵa jáne olardyń talaptaryn oryndamaýǵa kóndіrgen.
Nátıjesіnde alaıaqtardyń jospary júzege aspaı, jábіrlenýshіnіń shamamen 9,2 mıllıon teńge kólemіndegі aqshasy men múlkі saqtalyp qaldy.
Material avtory
