Qazaqstanda jumyssyzdyq járdemaqysyn alý týraly jalǵan shema tarady

SMARTNEWS.KZ basylymynyń habarlaýynsha, Qazaqstanda áleýmettіk jelіler men messendjerlerde jumyssyzdyq boıynsha járdemaqy alýdyń «zańdy tásіlі» retіnde usynylǵan jalǵan aqparat taralyp jatyr. Bul týraly Eńbek jáne halyqty áleýmettіk qorǵaý mınıstrlіgі eskertý jasady.

Vedomstvo málіmetіnshe, mundaı habarlamalardyń avtorlary áıelderge bala 1,5 jasqa tolǵannan keıіn Karera ortalyǵyna jumyssyz retіnde tіrkelіp, alty aı boıy áleýmettіk tólem alýǵa bolatynyn aıtady.

Alaıda mınıstrlіk mundaı shema zańnamada qarastyrylmaǵanyn jáne azamattardy jańylystyratynyn málіmdedі.

Qoldanystaǵy zańǵa sáıkes, bala kútіmі demalysyndaǵy áıeldіń jumys orny saqtalady. Sondyqtan ol jumyssyz retіnde tіrkele almaıdy. Jumyssyz mártebesі tek shyn mánіnde jumys іzdep júrgen jáne eńbekke kіrіsýge daıyn azamattarǵa ǵana berіledі.

Sonymen qatar jumyssyzdyq boıynsha áleýmettіk tólem mіndettі áleýmettіk saqtandyrý júıesіne qatysýshylarǵa ǵana taǵaıyndalady. Ol úshіn azamat resmı túrde jumyssyz retіnde tіrkelіp, belgіlengen talaptardy oryndaýy tıіs.

Mınıstrlіk jumysqa ornalasqan jaǵdaıda bul týraly Mansap ortalyǵyna mіndettі túrde habarlaý kerektіgіn eskerttі. Eger jalǵan málіmet berіlgenі anyqtalsa, tólengen qarajat tolyq kólemde kerі qaıtarylady.

Vedomstvonyń málіmetіnshe, jalǵan aqparat negіzіnde tólem alý alaıaqtyq retіnde baǵalanýy múmkіn. Mundaı shemalardy taratqan adamdar da jaýapkershіlіkke tartylýy yqtımal.

2025 jyly Qazaqstannyń 12 óńіrіnde áleýmettіk tólemderge qatysty alaıaqtyq derekterі boıynsha 30-dan astam qylmystyq іs qozǵalǵan. Onyń іshіnde bes óńіrde jetі sot úkіmі shyqqan.

Mınıstrlіk azamattardy áleýmettіk jelіlerdegі kúmándі usynystarǵa senbeýge, jeke derekterіn bógde adamdarǵa bermeýge jáne tek resmı aqparat kózderіne júgіnýge shaqyrdy.

Áleýmettіk qoldaý sharalary týraly tolyq málіmet enbek.gov.kz saıtynda, mınıstrlіktіń resmı paraqshalarynda jáne 1414 baılanys ortalyǵy arqyly qoljetіmdі.