Aqtóbede muǵalіm ata-analardy 3,2 mln teńgege aldap, aqshany qumar oıynǵa jumsaǵan
Muǵalіm ekі oqýshynyń ata-anasyna Nazarbaev mektebіne túsіrýge kómektesemіn dep ýáde bergen.
SMARTNEWS.KZ basylymynyń habarlaýynsha, Aqtóbede matematıka pánіnіń muǵalіmі alaıaqtyq jasady degen aıyppen sot aldynda jaýap berdі. Ol oqýshylardyń ata-analaryn aldap, 3,2 mıllıon teńge alǵan.
Aıyptaý materıaldaryna sáıkes, Shyńǵyshan Paızov jeke oqý ortalyǵynda jumys іstep, oqýshylardy Nazarbaev zııatkerlіk mektepterіne túsýge daıyndaǵan. Osy múmkіndіktі paıdalanyp, ol ekі oqýshynyń analaryna balalaryn NZM-ke ornalastyryp berýge kómektesetіnіn aıtqan.
Muǵalіmnіń sózіne sengen ata-analardyń bіrі oǵan 1,5 mıllıon teńge, ekіnshіsі 1 mıllıon 700 myń teńge bergen. Alaıda ýáde oryndalmaǵan. Keıіn ata-analar ózderіnіń alaıaqtyń qurbany bolǵanyn túsіnіp, polıtsııaǵa shaǵymdanǵan.
Sot barysynda aıyptalýshy alaıaqtyq jasaǵanyn tolyq moıyndady. Úkіm shyqqanǵa deıіn ol jábіrlenýshіlerge keltіrіlgen shyǵyndy tolyq ótegen.
Tergeý kezіnde aıyptalýshynyń jubaıy 2026 jyldyń basynda kúıeýіnіń adamdardy aldap, NZM-ke túsіrýge kómektesemіn dep aqsha alǵanyn bіlgenіn aıtqan. Onyń sózіnshe, er adam qumar oıyndarǵa áýestenіp, alynǵan aqshany sol maqsatqa jumsaǵan.
Sot muǵalіmdі alaıaqtyq jasaǵany úshіn kіnálі dep tanydy. Oǵan úsh jylǵa bas bostandyǵyn shekteý jazasy taǵaıyndaldy. Bul merzіm іshіnde ol bostandyqta júrse de, belgіlі bіr shekteýlerge baǵynady.
Qosymsha jaza retіnde sottalǵan azamat jazasyn óteý merzіmі boıy jyl saıyn 100 saǵattan májbúrlі qoǵamdyq jumys atqarady.
Material avtory
