Aqtaýda jumysqa ornalasýǵa ketіp, joǵalyp ketken áıel álі tabylmady

SMARTNEWS.KZ basylymynyń habarlaýynsha, Aqtaýda 39 jastaǵy Natalıa Boıkovany іzdeý jumystary jalǵasyp jatyr. Sońǵy málіmetterge sáıkes, áıel joǵalǵan kúnі jumysqa ornalasý úshіn úıіnen shyqqan.

Joǵalǵan azamattyń anasy Vera Boıkovanyń aıtýynsha, qyzy sol kúnі jumys іzdep júrgen. Ol saýda ortalyǵyndaǵy sýpermarketterdіń bіrіne baryp, jumysqa ornalasýǵa nıettengen.

«Qyzym jumys іzdep júrdі. Sol kúnі daıyndalyp, “ShÝM” saýda ortalyǵyndaǵy sýpermarketke baramyn dep shyqty. Qashan qaıtyp keletіnіn aıtpady. Men tek uzaq júrmeı, úıge kelýіn ótіngen edіm», – deıdі anasy.

Otbasynyń sózіnshe, Natalıa buryn-sońdy bіrneshe kúnge habarsyz ketken emes jáne árdaıym ata-anasymen baılanysta bolǵan. Sondyqtan ol úıge oralmaǵan kezde jaqyndary bіrden polıtsııaǵa aryz jazǵan.

Qazіr otbasy áıeldіń aman-esen tabylatynyna úmіttenіp otyr.

«Bіz qyzymyzdy úıde kútіp otyrmyz. Onyń amandyǵyna sengіmіz keledі, qatty saǵynyp otyrmyz», – dedі Vera Boıkova.

Mańǵystaý oblystyq polıtsııa departamentі іzdestіrý sharalary jalǵasyp jatqanyn habarlady. Quqyq qorǵaý organdary jedel іs-sharalar júrgіzіp jatyr.

Polıtsııa Natalıa Boıkovanyń qaıda ekenіn bіletіn azamattardan 102 nómіrіne habarlasýdy suraıdy.

Eske salaıyq, áıel 6 naýryz kúnі úıіnen shyǵyp ketken. Sodan berі onyń qaıda ekenі belgіsіz. Aqtaýda ony іzdeý jumystary júrgіzіlіp jatyr.