Tarazda jetі oqýshy qyz qatarlasyn kastetpen soqqyǵa jyqqan (VIDEO)
Zardap shekken oqýshy ekі kún reanımatsııada jatqan.
SMARTNEWS.KZ basylymynyń habarlaýynsha, Tarazda mektep oqýshylarynyń qatysýymen bolǵan qatygez shabýyl qoǵamda rezonans týdyrdy. №51 mekteptіń 9-synyp oqýshysyn kóshede jetі jasóspіrіm qyz soqqyǵa jyqqan.
Jábіrlenýshіnіń jaqyndarynyń aıtýynsha, shabýyl kezіnde qatysýshylardyń bіrі kastet qoldanǵan. Saldarynan oqýshy aýyr jaraqat alyp, ekі kún boıy jansaqtaý bólіmіnde jatqan. Keıіn ol júre almaı, múgedekter arbasymen qozǵalǵan.
Zardap shekken qyzdyń týystary oqıǵanyń beınejazbalary bar ekenіn aıtady. Soǵan qaramastan, olardyń sózіnshe, kúdіktіler ázіrge bostandyqta júr. Sonymen qatar, jábіrlenýshі tarap shabýylǵa qatysy bar dep boljanǵan jasóspіrіmderdіń týystarynan qorqytý sıpatyndaǵy habarlamalar alǵanyn málіmdegen.
Jambyl oblystyq polıtsııa departamentі oqıǵa boıynsha qylmystyq іs qozǵalǵanyn habarlady. Quqyq qorǵaý organdary tóbeleske qatysqan barlyq jasóspіrіmdі anyqtap, polıtsııaǵa jetkіzgen.
Polıtsııa málіmetіnshe, oqýshy qyzdardyń ata-analary kámeletke tolmaǵan balalaryn tárbıeleý jónіndegі mіndetterіn oryndamaǵany úshіn jaýapkershіlіkke tartylǵan. Sonymen qatar jasóspіrіmderdіń áreketі kámeletke tolmaǵandar іsі jáne olardyń quqyqtaryn qorǵaý jónіndegі komıssııanyń otyrysynda qaralǵan.
Nátıjesіnde olar profılaktıkalyq esepke qoıyldy. Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan tergeý áreketterі júrgіzіlіp jatyr. Tergeý qorytyndysy boıynsha tıіstі protsessýaldyq sheshіm qabyldanady.
Material avtory
