RUS
Búgіn Facebook áleýmettіk jelіsіnde bіrneshe kúnnen berі toqtamaǵan jelden qum kóshіp, «Aral – Gaz» jáne Belkóldegі poıyz turaǵy mańynan adam qańqasy tabylǵany týraly aqparat tarady.
«Atalǵan derek boıynsha «001» (tabylǵan máıіt) sanatymen qylmystyq іs tіrkelіp, sotqa deıіngі tergep-tekserý áreketterі júrgіzіlіp jatyr.
Qyzylorda qalasy Belkól kentіne qarasty dalalyq jerge júrgіzіlgen qarap-tekserý barysynda adam súıekterіne uqsaıtyn bólіkter tabylyp, aıǵaqty zat retіnde alyndy.
Tıіstі saraptamalar taǵaıyndaldy.
Boljam boıynsha, oqıǵa ornyna jaqyn jerlerde mazarlar turǵyzylýyna oraı, adam súıegіne uqsaıtyn zattar tabylǵan oryn eskі qorym bolýy múmkіn», - delіngen aqparatta.
Polıtsııa málіmetіnshe, QR Qylmystyq-protsestіk kodeksіnіń 201-babyna sáıkes, ózge málіmet jarııa etýge jatpaıdy.