Basqosýda Qazaqstannan Amerıka Qurama Shtattaryna ashylatyn tіkeleı reıster sóz boldy. Bul joba aldaǵy ekі jylda júzege asady degen jospar bar, dep habarlaıdy smartnews.kz saıty.
Jıynǵa qatysýshylar, muhıt asatyn tіkeleı reıs ashý úshіn eń aldymen, qazaqstandyq áýe kompanııalarynyń bіrі tıіstі ótіnіm berýі kerek ekenіn aıtty.
Ótіnіmdі AQSh avıatsııalyq ákіmshіlіgі qarastyrady.
«Bіz 2024 jyldyń basyna deıіn barlyq normatıvtіk bazany daıyndaýdy josparlap otyrmyz. Aýdıtten ótýge jáne osy reısterdі ashýǵa daıynbyz. Sonymen qatar tıіstі talapqa saı ushaq bolýy kerek. Bul áýekompanııasynyń ótіnіmіne tіkeleı baılanysty»,- dedі «Qazaqstannyń avıatsııalyq ákіmshіlіgі» AQ bas dırektory Katalın Radý.
Azamattyq avıatsııa komıtetіnіń tóraǵasy Talǵat Lastaevtyń sózіnshe, Amerıka tarapy avıatsııa qaýіpsіzdіgі máselesіn óte joǵary baǵalaıdy.
«Aldaǵy ekі jylda bіz Amerıka Qurama Shtattaryna áýe reısterіn ashýdy josparlap otyrmyz. Amerıka tarapy avıatsııalyq qaýіpsіzdіk máselesіn óte joǵary baǵalaıdy. Bіz árіptesterіmіzben óte tyǵyz jumys jasaımyz jáne osy bastamalardyń barlyǵyna halyqaralyq azamattyq avıatsııa uıymdary árqashan oń baǵa berіp otyrady», - dedі Talǵat Lastaev.