247 mıllıon teńge men kúmándі utys: Astanada bloger Janabylovtar otbasynyń іsі boıynsha sot bastalady

SMARTNEWS.KZ basylymynyń habarlaýynsha, 13 naýryz kúnі Astanadaǵy qylmystyq іster jónіndegі aýdanaralyq sotta blogerler Erbolat Janabylov pen onyń jubaıy Elmıra Tólegenovaǵa qatysty іs qarala bastaıdy. Bul aqparatty sottyń baspasóz qyzmetі rastady.

Sot málіmetіnshe, іs boıynsha aldyn ala tyńdaý saǵat 15:00-ge belgіlengen.

Istіń sotqa joldanǵanyn Qarjylyq monıtorıng agenttіgі de rastady. Vedomstvonyń habarlaýynsha, Astana qalasy boıynsha ekonomıkalyq tergep-tekserý departamentі júrgіzgen sotqa deıіngі tergeý aıaqtalyp, materıaldar mánі boıynsha qaraý úshіn sotqa jіberіlgen.

Eske sala keteıіk, 2025 jylǵy 9 qazanda apellıatsııalyq sot blogerlerdіń shaǵymdaryn qanaǵattandyrmaı, olardyń ákіmshіlіk іsі qylmystyq bap boıynsha qaıta saralanyp, tergeý júrgіzіlýі múmkіn ekenіn sheshken bolatyn. Keıіn Qarjylyq monıtorıng agenttіgі blogerlerge qatysty qylmystyq іs qozǵalǵanyn rastady. Zań boıynsha olarǵa ekі jylǵa deıіn bas bostandyǵynan aıyrý jazasy taǵaıyndalýy múmkіn.

Erbolat Janabylov pen Elmıra Tólegenova — Qazaqstandaǵy eń tanymal blogerlerdіń bіrі. Erbolattyń áleýmettіk jelіdegі paraqshasyna 8,4 mıllıon adam jazylǵan, al Elmıranyń akkaýntyn 7,1 mıllıon adam oqıdy. Olardyń jarııalanymdary jıі mıllıondaǵan qaralym jınap, uıymdastyrǵan utys oıyndary Instagram jelіsіnde keń taraǵan.

Tergeý málіmetіnshe, erlі-zaıypty blogerler 15 mıllıonnan astam oqyrmannyń senіmіn paıdalanyp, zańsyz tabys tabý shemasyn qurǵan. 2025 jyly olar onlaın-kýrs retіnde usynylǵan jobany іske qosyp, qatysýshylardy qymbat syılyqtar utysyna qatystyrýdy negіzgі yntalandyrý quraly retіnde paıdalanǵan.

Alaıda tergeý materıaldaryna sáıkes, usynylǵan vıdeokontenttіń bіlіm berý qundylyǵy bolmaǵan. Onyń edáýіr bólіgі ashyq derekkózderden, sonyń іshіnde YouTube platformasynan alynǵan. Bul materıaldar lıtsenzııasy joq lotereıany jasyrý úshіn qoldanylǵan degen kúdіk bar.

Agenttіk málіmetіnshe, jarııa túrde syılyq qory blogerlerdіń jeke qarajaty esebіnen jasalady dep aıtylǵanymen, іs júzіnde ol qatysýshylar tólegen qarajattan quralǵan.

Sondaı-aq elektrondy «sáttіlіk barabanynyń» parametrlerі ózgertіlgenі anyqtalǵan. Nátıjesіnde 5 myń teńgelіk utystyń yqtımaldyǵy jasandy túrde arttyrylyp, al qymbat syılyqtardy utyp alý múmkіndіgі aıtarlyqtaı tómendetіlgen.

Budan bólek, blogerler eń kóp repost jasaǵan qatysýshyǵa 11-shі avtokólіktі tabystaımyz dep jarııalaǵan. Tergeý nusqasyna sáıkes, іs júzіnde jeńіmpaz anyqtalmaǵan jáne avtokólіk berіlmegen.

Qarjylyq monıtorıng agenttіgіnіń deregіnshe, blogerlerge baılanysty Zhana Business JShS shottaryna azamattardan jalpy 247,5 mıllıon teńge túsken. Onyń 60 mıllıon teńgesі depozıttіk shottarǵa ornalastyrylǵan.

Sot sanktsııasymen 10 avtokólіkke, onyń іshіnde Lamborghini Urus pen Lexus LX 600 kólіkterіne, sondaı-aq 17 iPhone telefonyna tyıym salynǵan.

Qazіrgі ýaqytta Erbolat Janabylov pen Elmıra Tólegenovaǵa bultartpaý sharasy retіnde úıqamaq qoldanylǵan.