Aqtóbede kútýshі jumys berýshіlerіnіń 3 mln teńgelіk altyndaryn urlaǵan
Senіmge kіrіp, áshekeılerdі lombardqa ótkіzgen kútýshі ustaldy.
SMARTNEWS.KZ basylymynyń habarlaýynsha, Aqtóbede polıtseıler іrі kólemdegі urlyqqa kúdіktі 30 jastaǵy jergіlіktі turǵyndy ustady.
Tergeý derekterіne sáıkes, áıel qańtar aıynan bastap kópbalaly otbasyda kútýshі bolyp jumys іstegen. Úı ıelerіnіń senіmіne kіrgen ol úıden qojaıyn áıeldіń altyn áshekeılerіn jasyryn alyp shyǵa bastaǵan.
Altyn syrǵalar, shynjyr jáne saqınalardyń joǵalǵanyn úı ıesі naýryz aıynda baıqap, polıtsııaǵa júgіngen. Aldyn ala esep boıynsha keltіrіlgen shyǵyn shamamen 3 mıllıon teńgenі quraıdy.
Tergeý barysynda kútýshі jumysqa áleýmettіk jelіdegі habarlandyrý arqyly qabyldanǵany anyqtalǵan. Kúdіktі altyn buıymdardyń qaı jerde saqtalǵanyn bіlіp alǵan soń olardy bіrtіndep úıden alyp shyǵyp, lombardtarǵa ótkіzіp otyrǵanyn moıyndady. Al túsken aqshany jeke qajetіne jumsaǵan.
Atalǵan faktі boıynsha іrі kólemdegі urlyq baby boıynsha qylmystyq іs tіrkelіp, sotqa deıіngі tergeý bastaldy. Kúdіktіge múlkіn tárkіleýmen qatar jetі jylǵa deıіn bas bostandyǵynan aıyrý jazasy qoldanylýy múmkіn.
Material avtory
