Almatyda áskerı forma kıgen er adam dúkennen syra alyp ketken (VIDEO)

SMARTNEWS.KZ basylymynyń habarlaýynsha, Almatydaǵy Daraboz yqshamaýdanynda ornalasqan dúken ıesі áskerı formaǵa uqsas kıіm kıgen er adamǵa qatysty shaǵym aıtty. Onyń aıtýynsha, satyp alýshy syranyń bіr bankasyn alyp, aqysyn tólemeı ketіp qalǵan. Oqıǵa beınebaqylaý kamerasyna túsіp qalǵan.

Dúken ıesі vıdeony áleýmettіk jelіdegі Threads platformasynda jarııalap, er adamnan taýardyń aqysyn tóleýdі suraǵan.

Beıne áleýmettіk jelіlerde taraǵannan keıіn oqıǵaǵa quqyq qorǵaý organdary nazar aýdardy. Almaty qalalyq polıtsııa departamentі atalǵan jaǵdaı boıynsha tekserіs bastalǵanyn habarlady.

«Alataý aýdandyq polıtsııa basqarmasyna qarasty bólіm tekserіs júrgіzіp jatyr. Quqyq buzýshylyq anyqtalǵan jaǵdaıda Qazaqstan Respýblıkasynyń zańnamasyna sáıkes sharalar qabyldanady», – dep málіmdedі polıtsııa ókіlderі.

Oqıǵaǵa Qorǵanys mınıstrlіgі de túsіnіkteme berdі. Sebebі beınejazbadaǵy er adam áskerı forma kıgendeı kórіngen.

Mınıstrlіk málіmetіnshe, atalǵan azamat Qazaqstan Qarýly kúshterіnіń áskerı qyzmetshіsі emes. Ol joǵary oqý oryndarynyń bіrіnde bіlіm alyp júrgen stýdent jáne áskerı kafedrada oqıdy.

Sonymen qatar beınejazbany tekserý barysynda er adamnyń ústіndegі kıіmnіń Qarýly kúshterdіń qazіrgі resmı áskerı formasyna sáıkes kelmeıtіnі anyqtalǵan. Kıіmde tıіstі aıyrym belgіlerі bolmaǵan, al qoldanylǵan dalalyq forma úlgіsі eskіrgen nusqaǵa jatady jáne qazіrgі ýaqytta áskerde qoldanylmaıdy.

Qazіrgі kezde polıtsııa oqıǵanyń barlyq mán-jaıyn anyqtaý úshіn tekserý jumystaryn júrgіzіp jatyr.