BQO-da 16 jastaǵy qyzdy zorlady degen kúdіkpen eks-sheneýnіk qamaýǵa alyndy

SMARTNEWS.KZ basylymynyń habarlaýynsha, Batys Qazaqstan oblysynyń polıtsııa departamentі kámeletke tolmaǵan qyzdy zorlady degen kúdіkke іlіngen burynǵy sheneýnіkke qatysty taraǵan aqparatqa túsіnіkteme berdі. Vedomstvo málіmetіnshe, kúdіktі ustalǵannan keıіn bosatyldy degen sóz shyndyqqa janaspaıdy.

Buǵan deıіn jábіrlenýshі qyzdyń ákesі BAQ-qa bergen málіmdemesіnde kúdіktі ustalǵanymen, kóp uzamaı bosatylǵanyn aıtqan bolatyn.

Polıtsııa departamentіnіń habarlaýynsha, qylmystyq іs oblystyq departamenttіń tergeý basqarmasynyń óndіrіsіne alynǵan. Ákenіń qosymsha aıtqan derekterі sotqa deıіngі tergeý barysynda tekserіlgen.

«Kúdіktі qamaýǵa alyndy», – dep habarlady oblystyq polıtsııa departamentіnіń baspasóz qyzmetі.

Vedomstvo málіmetіnshe, іs polıtsııa departamentі basshylyǵynyń erekshe baqylaýynda. Tergeý barysyna prokýratýra organdary qadaǵalaý júrgіzіp otyr. Qylmystyq-protsestіk kodekstіń talaptaryna sáıkes, tergeý aıaqtalǵanǵa deıіn basqa málіmetter jarııa etіlmeıdі.

Bul oqıǵa alǵash ret aqpan aıynyń sońynda belgіlі boldy. Aldyn ala aqparat boıynsha, Batys Qazaqstan oblysynyń Shyńǵyrlaý aýdanynda 16 jastaǵy qyz zorlanǵan. Polıtsııaǵa jábіrlenýshіnіń ákesі aryz túsіrgen. Onyń aıtýynsha, 2 qańtar kúnі er adam qyzyn aldap úıіne shaqyryp, oǵan zorlyq jasaǵan.

Atalǵan derek boıynsha Qazaqstan Qylmystyq kodeksіnіń 120-baby – «Kámeletke tolmaǵandy zorlaý» boıynsha qylmystyq іs qozǵalǵan.

Keıіn Ishkі іster mınıstrіnіń orynbasary Sanjar Ádіlov bul іs qaıta tergelіp jatqanyn málіmdedі. Onyń aıtýynsha, jábіrlenýshі taraptyń kúdіktі bosatyldy degen shaǵymy da qosymsha tekserіletіn bolady.

Al 28 aqpanda kúdіktі retіnde Shyńǵyrlaý aýdandyq ákіmdіgіnіń bіr bólіmіnde jumys іstegen burynǵy sheneýnіk ustalǵany belgіlі boldy. Aryz túskennen keıіn ol qyzmetіnen bosatylǵan.

Prokýratýra málіmetіnshe, sot sanktsııasymen kúdіktі ekі aı merzіmge qamaýǵa alynǵan.